काठमाडौं - मेडिकल व्यवसायी दुर्गा प्रसाईंसँग दुई करोड मागेको अडियो रेकर्ड सार्वजनिक भएपछि निलम्बनमा परेका राष्ट्रिय स्वतन्त्र पार्टीका सांसद ढाकाकुमार श्रेष्ठले आफूमाथि लागेको आरोप अस्वीकार गरेका छन् ।

उनले अडियोको आवाज आफ्नो नभएको दाबी गर्दै आफूमाथिको कारवाही स्वीकार्य नहुने बताएका हुन् । झन्डै एक घन्टाको बयानमा उनले अडियो सम्पादन गरेर आफ्नो जस्तै आवाज बनाइएको दाबी गरेका छन् ।

पार्टीको अनुशासन तथा आचरण समितिमा बयान दिन पुगेका श्रेष्ठले आफूलाई जबर्जस्ती दोषी प्रमाणित गर्न खोजिए कोर टिमका काला कर्तुत खोलिदिने धम्की दिएको बुझिएको छ ।

श्रेष्ठको यो धम्कीले रवि लामिछाने, उनकी पत्नी निकिता पौडेल, रास्वपा उपसभापति डिपी अर्याल, केन्द्रीय सदस्य दीपक बोहोरा र महासचिव मुकुल ढकाल तनावमा परेका छन् । रविको कोर टिममा खासगरी यिनै चारजना रहने गरेका छन् ।

तर आर्थिक कारोबारमा महासचिव ढकाललाई केही थाहा दिइँदैन । मंगलबार राति श्रेष्ठले बुझाएको एकपन्ने लिखित स्पष्टीकरणमा पनि आरोप अस्वीकार गरिएको छ ।

आफू स्वास्थ्यमन्त्री बन्न पार्टीको ‘कोर टिम’ लाई दुई करोड बुझाउनुपर्ने भन्दै श्रेष्ठले प्रसाईसँग पैसा मागेको अडियो सार्वजनिक भएको थियो ।

त्यसलगत्तै रास्वपाले उनलाई पार्टी सदस्य र सांसदको हैसियतमा कुनै पनि काम कारबाही गर्न नपाउने गरी एक साताका लागि निलम्बन गर्दै छानबिन अघि बढाएको थियो ।

सोमबार श्रेष्ठका भाइले आफ्नो दाजुलाई कारबाही गर्न लागेकाले बचाइदिनुपर्यो भन्दै अर्को अडियो सार्वजनिक भएको थियो । यसबारे रास्वपाले कुनै धारणा सार्वजनिक गरेको छैन ।

अडियो सार्वजनिक भएलगत्तै रविले ७२ घन्टाभित्र श्रेष्ठलाई कारबाही गर्ने घोषणा गरेका थिए । ७२ घन्टा आज पूरा हुँदैछ । तर, विकसित घटनाक्रम हेर्दा श्रेष्ठमाथि कठोर कारबाही हुने देखिन्न ।

यदि श्रेष्ठले कोर टिमको काला कर्तुत सार्वजनिक गरिदिए भने रविको पार्टीप्रति विश्वास, भरोसा र समर्थन सखाप हुने निश्चित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दुई करोड काण्डः ढाकाकुमारले रविको नाम पोलेकाले चितवन २ को उपनिर्वाचन के होला ?

रास्वपा सांसद ढाकाकुमार श्रेष्ठ र दुर्गा प्रसाईबीचको चर्चित अडियो वार्ता (पूर्णपाठ)

दुई करोड काण्ड लागेका ढाकाकुमार स्वर्णिम वाग्लेको चुनावी कमान्डर

रास्वपा अनुशासन सतितिको ठहरः अडियो ढाकाकुमारकै हो

कारबाहीमा परेका ढाकाकुमारले कोर टिमका बारेमा खुलासा गर्ने, दिए यस्तो चेतावनी

रविको कोर टिम सार्वजनिक गर्छु भन्ने ढाकाकुमार आफैं बेपत्ता