काठमाडौं - आफूलाई भ्रष्टाचार विरोधी पार्टी भनेर जनताको सहानुभूति बटुलेर चर्चामा आएका रवि लामिछाने नेतृत्वको राष्ट्रिय स्वतन्त्र पार्टीका एक सांसदले मन्त्री बन्न दुई करोड रुपैयाँ माग गरेको अडियो सार्वजनिक भएको छ ।

सांसद ढाकाकुमार श्रेष्ठले आफ्नो पार्टीको भागमा स्वास्थ्य मन्त्रालय परेको र स्वास्थ्यमन्त्री साढे दुई करोड रुपैयाँ सभापति रवि लामिछानेलाई बुझाउनुपर्ने भन्दै मेडिकल माफिया दुर्गा प्रसाईसँग दुई करोड माग गरेका छन् ।

अडियोमा उनले भनेका छन्, ‘हाम्रो भागमा स्वास्थ्य मन्त्रालय पर्ने भयो । मन्त्रीका लागि रवि सरलाई दुई करोड बुझाउनुपर्ने कुरा आएको छ । मसँग पैसा छैन । अहिले एक करोड जति दिँदा हुन्छ । एक करोडचाहिँ चेक दिँदा पनि हुन्छ । त्यसैले अलिकति सहयोग चाहिएको छ ।’

जवाफमा प्रसाईंले आफूले दुई करोड उपलब्ध गराइदिने ग्यारेन्टी लिएका छन् । दुई करोड रकम माग भएको अडियो सार्वजनिक भएपछि रास्वपाले सांसद श्रेष्ठलाई कारबाही गर्ने तयारी गरेको छ । त्यसका लागि पार्टीमा छलफलसमेत सुरु भइसकेको बुझिएको छ ।

उनी समानुपातिक सांसद हुन् । रास्वपाले पैसा बार्गेनिङ गरेको अभियोगमा श्रेष्ठलाई सांसदबाट निकाल्न सक्छ । तर उनले रवि लामिछानेको नामसमेत मुछेकाले चितवन २ को उपनिर्वाचन के हुने भन्ने चासो देखिएको छ ।

सांसदले नै बोलेको हुनाले रविको पनि यसमा कतै न कतै संलग्नता रहेको अनुमान गरिएको छ । त्यसैले सो अडियोको छानबिन गरी अख्तियार दुरुपयोग अनुसन्धान आयोगले कारबाही गर्नुपर्ने जनस्तरमा माग उठेको छ । रवि चितवन २ मा उम्मेदवार बनेका छन् ।

श्रेष्ठ यसअघि पनि विवादमा परेका व्यक्ति हुन् । उनले पोखराको एक सहकारीबाट करोडौं अनियमितता गरेको समाचार सार्वजनिक भएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री लामिछानेको सांसद पद रहने कि नरहने भन्ने टुंगो पुस २२ मा लाग्ने

एमालेका ‘फरार’ सांसद महतो सँगै भोट हालेर हिँडेपछि रवि लामिछानेको अर्को नौटंकी

माघ ११ गते रविलाई ठूलो खड्गो, अमेरिकी नागरिक नै रहेको फैसला आउने सम्भावना अधिक

रवि लामिछानेका नेतालाई संसद् सिकाइभन्दा सत्ता भोगाइको हतार

सर्वोच्चमा रविबारे गर्मागरम बहस, कसले के भने? 

दोहोरो पासपोर्ट कसुरमा रविलाई तीन वर्षसम्म जेल सजाय हुन सक्ने