काठमाडौं - कानुन व्यवसायी युवराज पौडेल सफलले रवि लामिछानेमाथि दोहोरो पासपोर्ट बोकेको अभियोगमा जेल सजाय हुने बताएका छन् ।

एकै समयमा नेपाल र अमेरिकी पासपोर्ट बोकेर हिँडेको देखिएकाले सो मुद्दा फौजदारी कसुरको हुने उनको भनाइ छ । रविविरुद्ध यस विषयमा अदालतमा मुद्दा पर्ने र उनीमाथि तीन वर्षसम्म सजाय र डेढ लाख रुपैयाँसम्म जरिवानासमेत हुने सफल बताउँछन् । यतिबेला रविसँग अमेरिकी र नेपाली दुवै पासपोर्ट छ ।

उनले एकसाथ अमेरिकी र नेपाली पासपोर्ट बोकेको अध्यागमन कार्यालयले पुष्टि गरिसकेको छ । एकै समय दुई देशको पासपोर्ट बोक्नु फौजदारी कसुर हुन्छ । रवि लामिछानेमाथि राहदानी कसुरमा अनुसन्धान रोकिएको छ ।

लामिछाने गृहमन्त्री भएका बेला प्रहरीलाई अनुसन्धान र छानबिन अघि नबढाउन दबाब दिइएको थियो । तर, उनको सांसद पद खारेज भएकाले प्रहरीलाई राहदानी कसुरमा अनुसन्धान अघि बढाउन बाटो खुला भएको छ । यसबीचमै रविलाई नागरिकता लिन लगाई मन्त्री नियुक्त गर्ने गरी एमाले अध्यक्ष केपी ओलीले गृहकार्य अघि बढाएका छन् ।

दुई देशको पासपोर्ट बोकेर हिँड्ने रविलाई प्रधानमन्त्री पुष्पकमल दाहाल प्रचण्डले ६ महिने मन्त्री नियुक्त गर्लान् त ? भन्ने प्रश्न उब्जेको छ । ओली कुनै पनि हालतमा गृह मन्त्रालय प्रचण्डको हातमा पुगोस् भन्ने चाहँदैनन् । त्यसैले उनी जसरी भए पनि रविलाई पुनः गृहमन्त्री बनाउन चाहन्छन् ।

यसको दुईवटा कारण छ । एक, रविलाई साथमा बोक्दा प्रचण्डलाई साइजमा ल्याउने । अर्को, रविलाई साथ दिएको देखाएर अर्को निर्वाचनमा सहानुभूतिको मत बटुल्ने । त्यही भएर ओलीले रविलाई पुनः मन्त्री नियुक्तिका लागि प्रधानमन्त्री प्रचण्डलाई दबाब दिन थालेको स्रोतले बतायो ।

आफ्नै दम्भले शक्तिशाली चारवटा पद गुमाएका रवि लामिछाने आइतबार नागरिकता पुनः प्राप्तिका लागि काठमाडांै जिल्ला प्रशासन कार्यालय जाने भएका छन् । नागरिकता लिने तयारीका लागि उनी जिल्ला प्रशासन कार्यालय जान लागेका हुन् ।

बिहान १० बजे सरकारी कार्यालय खुलेलगत्तै उनले नागरिकता लिनेबारे परामर्श गर्ने भएका छन् । तर, रविलाई अब वंशज कि अंगीकृत कुन नागरिकता दिने भन्ने समस्या पनि आइपरेको छ । यसअघि उनले वंशजका आधारमा नेपाली नागरिकता पाएका थिए ।

तर, अमेरिकी नागरिकता लिएपछि उनको नेपाली नागरिकता स्वतः रद्द भएको छ । अमेरिकी नागरिकता लिएपछि उनी त्यहाँका नागरिक भए । विदेशी नागरिकलाई नागरिकता दिँदा वंशजका आधारमा पाइँदैन ।

रवि लामिछाने नेपाली बाबुआमाबाटै जन्मे पनि अमेरिकी नागरिक भइसकेकाले उनलाई पुनः वंशजकै आधारमा नागरिकता दिन नमिल्ने कतिपय कानुन व्यवसायीको तर्क छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री लामिछानेको सांसद पद रहने कि नरहने भन्ने टुंगो पुस २२ मा लाग्ने

एमालेका ‘फरार’ सांसद महतो सँगै भोट हालेर हिँडेपछि रवि लामिछानेको अर्को नौटंकी

माघ ११ गते रविलाई ठूलो खड्गो, अमेरिकी नागरिक नै रहेको फैसला आउने सम्भावना अधिक

रवि लामिछानेका नेतालाई संसद् सिकाइभन्दा सत्ता भोगाइको हतार

सर्वोच्चमा रविबारे गर्मागरम बहस, कसले के भने? 

राहदानीविरुद्धको मुद्दा नपर्दै हतारहतार नागरिकता लिएर आजै रविलाई मन्त्री बनाउने तयारी