काठमाडौं - रवि लामिछाने नेतृत्वको राष्ट्रिय स्वतन्त्र पार्टीका एक सांसदले मन्त्री बन्न दुई करोड रुपैयाँ माग गरेको अडियो सार्वजनिक भएको छ ।

सांसद ढाकाकुमार श्रेष्ठले आफ्नो पार्टीको भागमा स्वास्थ्य मन्त्रालय परेको र स्वास्थ्यमन्त्री साढे दुई करोड रुपैयाँ सभापति रवि लामिछानेलाई बुझाउनुपर्ने भन्दै मेडिकल माफिया दुर्गा प्रसाईसँग दुई करोड माग गरेका छन् ।

यस्तो छ कुराकानीको सार
श्रेष्ठ – कुन टिमलाई हो यो आन्तरिक कुरा हो । थाहा छैन यो । मुकुलजी पनि त्यो कोर टिममा हुनुहुन्न कि ऊ महामन्त्री पनि हो । त्यहाँ पाटीलाई सहयोग गर्ने छुट्टै छन्, तीनजना सहयोग गर्ने रविलाई सरलाई । यो टिममा मलाई पु¥याएको । आज पैसाको म्यानेज गर्नुपर्छ क्या । फेरि उधारो हुन्न भन्छन् । दुई÷साढे दुई करोड भनेका छन् । एक करोड दियो भने पनि मान्छन् होला । पछि चेक दिँदा पनि हुन्छ । 

प्रसाई – यो पनि त उही रविलाई त बुझाउनुपर्ने होला होइन ? रविलाई त दिनुपर्दैन त्यो पार्टीमा जाने हो । पार्टीमा जान्छ भनेका छन् । तपाईलाई मैलें दुई करोड दिने ग्यारेन्टी गरेँ । म तपाईलाई सजिलो बाटो देखाउँछु । त्यसमा पिर नगर्नुहोस् आएर म बुझाउँछु । तपाई र म एक ठाउँमा भेट्नुपर्छ । भेटिराख्न पनि पर्दैन । जति म भिडेको छु नि यो स्वास्थ्य क्षेत्रमा गोविन्द केसी के त्यति भिडेको छ  ? कुरा बुझ्नु भयो । म त्यो दुई करोड दिन्छु । नडराउनुहोस् । तपार्इं अघि बढ्नुहोस् । फेरि तोसिमाले त तपाईसँग लडाइँ गर्दैनन् नि फेरि । 

श्रेष्ठ – गर्र्दैनन् । टिमले गरेपछि सकियो । तोसिमाले फेरि पैसा निकाल्न सक्दिनन् के । फेरि गोविन्द केसीको मान्छे भनेको छ ।  तिनी मन्त्री भएर पनि काम छैन ।

प्रसाई – उनले कही कुरा गर्न मिल्दैन

००००००

प्रसाई – नमस्ते के छ हालखबर ?

श्रेष्ठ – नमस्ते भर्खर उठेको 

प्रसाईं ः समय नभएर बेलुका फोन चार्ज भएन । के कुरा हो भनिदिनु त अलिकति ? 

श्रेष्ठ ः स्वास्थ्य हामीले पाउने भयो । अलिकति पार्टीलाई सहयोग गर्नु भन्ने कुरा भयो । त्यहाँ पार्टीमा दुई तीनजना छन् के । साढे दुई पु¥याइदिनु भन्ने कुरा भएको छ । पक्का चाहिँ पक्का भयो । फेरि म त्यस्तो आर्थिक रुपमा मजबुत छैन । अब फेरि मन्त्री पनि बन्नु प¥यो । स्वास्थ्य क्षेत्रमा देखिएको धुुलोमैलो पनि पखाल्नु प¥यो । यो स्वास्थ्य क्षेत्रको सुधार धेरै गर्छु भनेर आवश्वासन पनि दिएको छु ।  त्यसका लागि हजुरहरूको सहयोग चाहियो भन्ने कुरा हो । 

प्रसाई – डा.साप मैले एउटा कुरा बुझ्न खोजेको रास्वपाभित्र त डा.तोसिमा कार्कीमात्र छिन् भनेर बुझेको थिएँ त ?

श्रेष्ठ – तीनजना छन् । म, तोसिमा कार्की र चन्दा कार्की ।

प्रसाई – ए ए । साँच्चि चन्दा पनि हुनुहुन्छ त है । डा. सापको घर कहाँ हो ?

श्रेष्ठ – पोखरा हो सर ।

प्रसाई– ए ए । एमबीबीएस कहाँ गरेको ? एमडी कहाँ ?

श्रेष्ठ – मैले चाइनाबाट एमबीबीएस, एमडी गरेको छैन । एमडी गर्दागर्दै म राजनीतितिर आएँ । 

प्रसाईं – ए अब हेर्नुहोस् है डा. साप यो देशमा स्वास्थ्य क्षेत्रमा धेरै ठूलो समस्या छ । देशमा भएका नर्सिङ क्याम्पस बन्द गराए । आज नर्स पढ्न पाउँदैनन् । मैले सधैं भन्ने गरेको थिएँ दुबईको डान्सबारमा हाम्रा चेलिबेटीलाई गराउनुभन्दा नर्स पढाऔँ भनेको । मैंले त  सयवटा मेडिकल कलेज खोलौँ । विदेश इन्डियाबाट तीन सय, चार सय विद्यार्थी ल्याऔँ । अस्पताल फ्री गरौँ । मैँले कति राम्रो कुुरा गरेको छु । 

श्रेष्ठ – हो हो नि ।

प्रसाई – डा. सावको नाम के हो ?

श्रेष्ठ – ढाकाकुमार श्रेष्ठ  

प्रसाई – हजुर मैंले त्यो कुरा बुझेँ, थाहा पाएँ, सल्लाह गरेर अघि बढौँला । फेरि तपाईसँग एउटा कुरा भन्नु प¥यो । हामी ह्वाटसपमा छौं समस्या  परेन । अनि मुकुलजीले त स्वास्थ्य, शिक्षा नलिने कुरा थियो त ?

श्रेष्ठ –  मुकुलजीहरू त्यो कोर टिममा हुनुहुन्न के । उहाँलाई त्यो कुरा थाहा छैन । आन्तरिक  कुरा हो ।  उहाँ महामन्त्री पनि हुनुहुन्छ । पार्टीको कुरा गर्दा त्यहाँ पार्टीलाई सहयोग गर्ने, पार्टीलाई सुरुवातदेखि नै सहयोग गर्ने रविलाई । त्यो टिमबाट मलाई बोलाको छ । मैले आज पैसाको कुरा मिलाउनुपर्छ । उधारो हुन्न भन्छन् ।

प्रसाई – आज बन्द, आजको आजै त हुन्न नि । बन्द भएकाले नौ लाख उनान्न सयभन्दा माथिको चेक साटिँदैन । एउटा टाइम राखेर गर्ने भए म सहयोग गर्छु । मैले भनिहाले । तपाई पछि मलाई काम लाग्ने मान्छे । भोलि तपाईले पनि मेरो काम गर्नुपर्छ ।

श्रेष्ठ – हो गर्छु म । मलाई त दिक्क लाग्छ । एमडी गर्न नसकेको पनि तिनले गर्दा हो । 

प्रसाई – एमडी पढाउन पनि मेरो छोरीलाई टोकियो युनिभर्सिटी पठाउनुप¥यो तीन करोड तिरेर । यहाँ आफ्नोमा चाहिँ रेडियसनलोेजी पढाउन पाइनँ मैले । हेर्नुस् सबैतरि वितष्ृणा छ । म त मरेको छु ।  मेरो मेडिकल कलेज सबै भौतिक पूर्वाधार सम्पन्न छ । उपत्यका बाहिर मेची अञ्चलमा ३२ लाख जनसंख्या छ । म चाहिँ डुबेको छु, छैन भन्नु त ? म त मर्न मात्र बाँकी छ । 

श्रेष्ठ – त्यही त यो यस्ता कुराहरू हटाउ भनेको । सर यस्ता  समस्या समाधान गर्नुपर्छ ।

प्रसाई – अनि शिक्षा चाहिँ कसले लिने भएको छ भाइ डा. साव ?

श्रेष्ठ – शिक्षा चाहिँ परेन । 

प्रसाई – हजुरबुबाहरूले राखे होलान् । किनभने मलाई अफिलेसन पनि दिनुपर्ने छ हजुरबुबाले । सबै कुरा सकिएको छ । काठमाडौँ युनिभर्सिटीले अफिलेसनदिएको छ । सिट मात्र तोकिदिएको छैन । नारायणकाजीको मान्छे हो नि त त्यो गिरी (श्रीकृष्ण गिरी) । त्यहाँबाट पैसा उठाएर लगेर नारायणकाजीलाई पैसा बुझाउने मान्छे हो गिरी । यसो गर्नुहोस् । 

श्रेष्ठ – निश्चित हुनुहोस् । अब काम मिलेर गर्ने हो ।

प्रसाई – भोलि केपी ओली झापा आउनु हुँदैछ । म हजुरबा सँगै काठमाडौँ आउँछु । मैले गर्ने सहयोग म गर्छु । तपाईले भन्नु भएको दुई (करोड) म आएर गरौँला । तर अलिकति समय लाग्छ । पैसा निकाल्न समय लाग्छ भने जस्तो बाकसमा हुन्न । बैंकले प्रक्रियाअनुसार काम गर्छ । हिजो पुस मसान्त हिजो बैंकको व्याज बुझाइयो । 

श्रेष्ठ –  हजुरलाई पनि  साह्रै गाह्रो छ ।  स्वास्थ्य बिमाले मेरो अढाई वर्षदेखि अझै दिएको छैन ।
प्रसाई – पैसा मैले दिने भएँ तपाईलाई । अब त्यो पैसा पनि उही रविलाई त दिनुपर्ने होला होइन?

श्रेष्ठ – अँ रवि सरलाई भन्दा पनि उहाँ अहिलेसम्म देखापर्नु भएको छैन । बाहिरको दुई÷तीनजना साथी छन्, उनीहरूलाई दिने हो । पार्टीमा जान्छ भनेका छन् ।

प्रसाई – कमाउने त हो भाइ त्यो के गर्ने ?

श्रेष्ठ – खै के गर्छन् ? पार्टीमा जान्छ भनेका छन् । मैले सोधेकै छैन । 

प्रसाई – ल भोलि म आएर दिन्छु । तपाईले ग्यारेन्टी गर्नुहोस् । 

श्रेष्ठ – तपाई र म सहकार्य गर्नुपर्छ है ?

प्रसाई – पिर नगर्नुहोस्, म त्यो दुई करोड दिन्छु । टाइम माग्नुहोस् । तपाई र म एक ठाउँमा बस्नुपर्छ । भेटी राख्नु पनि पर्दैन । ढुक्क हुनुहोस्, एकपटक भेटेपछि हुन्छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दुई करोड काण्डः ढाकाकुमारले रविको नाम पोलेकाले चितवन २ को उपनिर्वाचन के होला ?

दुई करोड काण्ड लागेका ढाकाकुमार स्वर्णिम वाग्लेको चुनावी कमान्डर

ढाकाकुमारको धम्कीले रविको पार्टीमा बबाल, कोर टिमको पोल खुल्दै

रास्वपा अनुशासन सतितिको ठहरः अडियो ढाकाकुमारकै हो

कारबाहीमा परेका ढाकाकुमारले कोर टिमका बारेमा खुलासा गर्ने, दिए यस्तो चेतावनी

रविको कोर टिम सार्वजनिक गर्छु भन्ने ढाकाकुमार आफैं बेपत्ता