काठमाडौं- वैशाख १० गते तनहुँ २ मा हुने उपनिर्वाचनमा सबै दलले आफ्नो भएभरको सामथ्र्य र शक्ति लगाएका छन् । पार्टीका केन्द्रीय पदाधिकारी नै चुनावी सभामा भाग लिन पुगेका छन् । 

नेपाली कांग्रेसले महामन्त्रीद्वय गगन थापा र विश्वप्रकाश शर्मालाई तनहुँ २ मा परिचालन गरेको छ । केन्द्रीय सदस्य शंकर भण्डारी अड्डा नै जमाएर गोविन्द भट्टराईलाई भोट मागिरहेका छन् । कांग्रेसका प्रभावशाली नेता प्रकाशमान सिंह पनि तनहुँ पुगेका छन् ।
एमालेले भने अहिलेसम्म केन्द्रीय नेतालाई तनहुँ २ मा पठाउन सकेको छैन । पूर्वआईजी सर्वेन्द्र खनालले काठमाडौं बसेरै टिकट हत्याएपछि तनहुँ एमालेमा सन्नाटा छाएको छ । अहिले खनाल एक्लै चुनावी प्रचारमा हिँडेका छन् । एमाले नेताहरूलाई अहिले भोट माग्न कुनै चटारो छैन ।

उता कांग्रेसबाट आफ्नो पार्टीमा ल्याएर स्वर्णिम वाग्लेलाई उम्मेदवार बनाएको राष्ट्रिय स्वतन्त्र पार्टीले भने मन्त्री बन्न दुई करोड चाहियो भन्दै दुर्गा प्रसाईसँग फोन गर्ने ढाकाकुमार श्रेष्ठलाई चुनावी कमान्डर बनाएको छ । कास्की घर भएका श्रेष्ठको तनहुँमा बलियो पकड रहेको अनुमान गर्दै रवि लामिछानेले श्रेष्ठलाई स्वर्णिमको चुनावी कमान्डर बनाएका हुन् । तर दुई करोड अडियो टेपकाण्डले स्वर्णिमको जनमत बढ्ने भन्दा घट्ने सम्भावना बढेको छ । 

रास्वपाले तनहुँ र बारामा चुनाव जित्ने आकलन नै गरेको छैन। तनहुँको उपचुनावमा वाग्लेलाई उठाएको रास्वपाले सोही चुनावमा खटिएका सांसद  श्रेष्ठको अडियो प्रकरणले थप संकट निम्तिएको ठहर गरेको हो। बारा २ मा हुने उपनिर्वाचनमा रास्वपाबाट प्रहरीका पूर्वडीआइजी रमेश खरेल उम्मेदवार छन्। तर, काठमाडौंमै उनी पराजित भएकोले यसपटक जित्ने सम्भावना कम रहेको नेताहरू बताउँछन्। अडियो प्रकरणले तनहुँ २ मा माहोल बिग्रने खतरा रहेको रास्वपाका एक नेताले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्वर्णिमले भने–अबको प्रधानमन्त्री गगन थापा 

चुनावपछिको प्रधानमन्त्रीबारे स्वर्णिम वाग्लेको यस्तो खुलासा, चौतर्फी खुसियाली  

चार नेतालाई सन्देश पठाउदै स्वर्णिम वाग्लेले गरे कांग्रेस छाडेको घोषणा

विश्वप्रकाशले रवि लमिछानेलाई दिए कडा दनक, स्वर्णिमलाई के भने? 

स्वर्णिम वाग्ले भन्छन्– गोविन्द भट्टराईलाई न्याय गर्नुपर्छ

दुई करोड काण्डः ढाकाकुमारले रविको नाम पोलेकाले चितवन २ को उपनिर्वाचन के होला ?