काठमाडौं - चर्चित अर्थशास्त्री स्वर्णिम वाग्लेले नेपाली कांग्रेस छाडेको घोषणा गरेका छन् ।

बिहीबार कांग्रेस महामन्त्री गगन थापा र विश्वप्रकाश शर्मा, डा.शेखर कोइराला र गोविन्दराज पोखरेललाई एसएमएस पठाएर उनले आफूले कांग्रेस छाडेको घोषणा गरेका हुन् ।

वाग्लेले आफू शेरबहादुर–आरजु देउवा कांग्रेसमा नरहेको घोषणा गरेको स्रोतले बतायो । स्वर्णिमको एसएमएस आएपछि महामन्त्रीद्वय र अरु नेताहरुले निरन्तर सम्पर्कको प्रयास गरेका छन् । तर स्वर्णिमसँग सम्पर्क हुन सकेको छैन ।

उनले शेखरको फोनसमेत नउठाएको बताइन्छ । स्वर्णिम रास्वपाबाट तनहुँ २ को उपचुनावमा उम्मेदवार बन्ने मनस्थितिमा पुगिसकेका छन् । रास्वपाका महामन्त्री मुकुल ढकालले त्यसको संकेत गरिसकेका छन् ।

यस्तो छ स्वर्णिमको पत्र

प्रिय दाइ, 

हजुरहरुको अपार सद्भावका बावजुद म कांग्रेसमा रहन नसक्ने अवस्था आएको छ ।

देउवा–आरजु गिरोहको निरन्तर हेपाइ र अपमानले यो स्थिति ल्याएको हो । अब कुरेर बस्ने कृपा र निगाहको जीवनपर्यन्त राजनीतिभन्दा समयसीमा तोकेर आफ्नो उमेर, ज्ञान र ऊर्जा सान्दर्भिक रहँदै ’डेलिभरी’को प्रयोगमा जान चाहेँ ।

यो निर्णय लिनुअघि हजुरहरुसँग भेटेको भए निश्चय पनि कांग्रेस नछोड्न भन्नुहुने र त्यसपछि छोड्दा अवज्ञा गरेको हुने भएकोले श्रद्धापूर्वक पछि नै हामी बस्नेछौंँ ।

कांग्रेस पार्टीमा हजुरहरुको निर्णायक हैसियत बनेको दिन फेरि हामी कुनै न कुनै रुपमा जोडिनसक्ने आशा छ । त्यतिन्जेल जहाँजहाँ रहन्छौँ, त्यहीँबाट सहकार्य र सहयोग गर्ने र अहिलेको आत्मीय मित्रता कायम राख्ने वाचा गर्दछु । स्वर्णिम

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्वर्णिमले भने–अबको प्रधानमन्त्री गगन थापा 

चुनावपछिको प्रधानमन्त्रीबारे स्वर्णिम वाग्लेको यस्तो खुलासा, चौतर्फी खुसियाली  

विश्वप्रकाशले रवि लमिछानेलाई दिए कडा दनक, स्वर्णिमलाई के भने? 

स्वर्णिम वाग्ले भन्छन्– गोविन्द भट्टराईलाई न्याय गर्नुपर्छ

दुई करोड काण्ड लागेका ढाकाकुमार स्वर्णिम वाग्लेको चुनावी कमान्डर

तनहुँ १ मा स्वर्णिम वाग्ले विजयी, कांग्रेसको गढ भत्क्यो