काठमाडौँ- प्रमुख प्रतिपक्षि दल नेपाली कांग्रेस सूचना, संचार तथा प्रचार विभागले न्यूनतम योजना र दीर्घकालीन उपयोगितासहितको आज विभिन्न निर्णयहरू गरेको छ ।

विभागलाई कार्य गर्न प्राप्त छोटो समयलाई दृष्टिगत गरेर ‘न्यूनतम योजना तर दीर्घकालीन उपयोगिता’को नीति लिंदै सोही अनुरुप कार्य गर्ने जनाइएको छ ।

सूचना, सञ्चार तथा प्रचार विभागको दुई दिने बैठकबाट पारित नीति र निर्णयहरु

नेपाली कांग्रेस सूचना, सञ्चार तथा प्रचार विभागको प्रथम बैठक जुम प्रविधि मार्फत ०७७ भाद्र २० र २१ गते बस्यो । विभागीय प्रमुख  विश्वप्रकाश शर्माको अध्यक्षतामा बसेको बैठकले निम्न बमोजिमका सांगठनिक निर्णयहरु गरेको छ ।

सांगठनिक निर्णयहरु

१)  विभागलाई कार्य गर्न प्राप्त छोटो समयलाई दृष्टिगत गरेर ‘न्यूनतम योजना तर दीर्घकालीन उपयोगिता’ को नीति लिंदै सोही अनुरुप कार्य गर्ने ।

२)  निर्णय नं. १ ले तय गरेको नीति बमोजिम नेपाली कांग्रेसलाई सूचना, संचार र प्रचारको क्षेत्रमा आधुनिक प्रविधि मैत्री (डिजिट्लाइज्ड) बनाउंदै अघि बढ्ने अभियान शुरूवात गर्ने ।

३)  निर्णय नं २ मा तय गरिए बमोजिम ‘प्रविधि मैत्री अभियान’ को शुरूवातमा पार्टीको वेबसाईटलाई यथासिध्र अत्याधुनिक रुपान्तरणका साथ सार्वजनिक गर्ने ।

४)  प्रविधि मैत्री अभियान र विभागका अन्य कार्यलाई चुस्त दुरुस्त बनाउन नेपाली कांग्रेसको बिधानको धारा ३७ को (ज) बमोजिम विभिन्न उपसमिति गठन गर्ने निर्णय बैठकले गरेको छ । सो अनुरुप निम्न उपसमितिमा विभागका निम्न साथीहरूलाई संयोजकको जिम्मेवारी बैठकले सुम्पिएको छ ।

वेबसाईट संयोजन उपसमिति : गोवर्धन राना मगर, छ्हारी संवाद संयोजन उपसमिति : डा. सुरेश आचार्य, प्रविधि संयोजन उपसमिति:  ई. दिपेश विष्ट, टेलिभिजन नेटवर्क सूचना संयोजन उपसमिति : नीर शाह , रेडियो नेटवर्क सूचना संयोजन उपसमिति : गोपाल झा, नियमित सूचना सम्प्रेषण संयोजन उपसमिति :दिनेश थापा मगर ।

५) विभाग सार्वजनिक हुनु पूर्व देखि आन्तरिक रूपमा कृयाशिल रहेको ‘कांग्रेस सूचना नेटवर्क’ मा बिषयगत योग्यताका साथीहरू थप समाविष्ट गर्दै विभागमा रहेका साथीहरूको प्रदेश स्तरीय एवं बिषयगत जिम्मेवारी ब्यवस्थापन गर्ने निर्णय बैठकले गरेको छ ।

६)  बिषयगत अध्ययन र अवधारणा निर्माण उपसमिति एवं सामाजिक सञ्जाल केन्द्रित उपसमिति गठन गरेर सामाजिक सञ्जालमा अभिब्यक्त हुने भावना र विचार समेतलाई आत्मसात गर्दै विभागको सार्वजनिक प्रस्तुतिलाई सैद्धान्तिक र ब्यवहारिक दुबै कोणबाट सबल बनाउने निर्णय बैठकले गरेको छ ।

७)  कोरोना संक्रमणको वृद्धिदर र मृत्युदर दुवै तिब्रतर ढंगले बढ्दै गएको स्थितिमा सूचना, सञ्चार तथा प्रचार विभागले सार्वजनिक प्रस्तुतिमा थप अध्ययन र विश्लेषणको गहनता राख्नुपर्ने टड्कारो आवश्यकता दृष्टिगत गर्दै बैठकले जनचेतनामा निर्वाह गर्नुपर्ने भूमिका एवं सरकारलाई दिने सुझाव र दबाबमा बढ्दो चुनौती अनुरुपको अवधारणा निर्माण गर्न ‘कोभिड–१९ सूचना संयोजन उपसमिति’ गठन गरेको छ । नेपाल मेडिकल एसोसिएसनका पूर्व राष्ट्रिय अध्यक्ष एवं विभागका सदस्य डा.अन्जनी झालाई बैठकले संयोजकको अभिभारा सुम्पिएको छ ।

८)  दुई कार्यदल गठन गर्ने निर्णय

क)  भिन्न समुदायका मुद्दा र मानसिकताको पछिल्लो स्थितिको सूचना र तथ्य अध्ययन गरेर आवश्यक संवाद रणनीति निर्माण गर्न श्री बजरंग नेपालीलाई अध्ययन कार्यदल संयोजकको अभिभारा बैठकले सुम्पिएको छ ।

ख)  पछिल्लो पुस्तामा पार्टीको विचार र सिद्धान्त सम्प्रेषण गर्ने सम्बन्धमा प्रविधि मार्फतको बिशेष अभियान अघि बढाउन आवश्यक रणनीति र योजना निर्माण गरि प्रस्तुत गर्न विभागका सदस्य श्री विकल राईलाई कार्यदल संयोजकका रूपमा बैठकले जिम्मेवारी सुम्पिएको छ ।

९)  नेपाली कांग्रेसको केन्द्रीय मुखपत्र “नेपाल पुकार” प्रीन्ट र डिजिटल दुवै माध्यममा प्रकाशन गर्ने निर्णय बैठकले गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको अन्तरद्वन्दका विषयमा काँग्रेस प्रवक्ता शर्माले दिए यस्तो जवाफ

कांग्रेस प्रबक्ता शर्माले भने, ‘चेपाङको घर जलाउने अनि भगवान् रामको मन्दिर बनाउने !’

कांग्रेस प्रबक्ता शर्मा टेलिभिजन कार्यक्रमको प्रस्तोताका रुपमा देखिदै

कांग्रेसले जारी गर्यो नेकपाका प्रवक्ता हराएको सूचना !

कांग्रेसद्वारा सरकार र डा. केसीबीच भएको सहमतिको स्वागत

कांग्रेसको प्रधानमन्त्री ओलीलाई प्रश्न, देशमा सरकार छ र ?