काठमाडौँ - नेपाली कांग्रेसको १५औँ महाधिवेशनबाट नयाँ नेतृत्व चयनका लागि मतदान सुरु भएको छ। शुक्रबार बिहान ७ बजेदेखि मतदान गर्ने कार्यतालिका रहे पनि निर्धारित समयभन्दा एक घण्टा ढिलो गरी मतदान प्रक्रिया सुरु भएको हो।

महाधिवेशनमा सहभागी प्रतिनिधिहरूले नयाँ केन्द्रीय कार्यसमिति चयनका लागि विभिन्न मतदान केन्द्रबाट मतदान गरिरहेका छन्। निर्वाचन समितिले प्रतिनिधिहरूको सहजताका लागि प्रदेश तथा समूहअनुसार छुट्टाछुट्टै मतदान केन्द्रको व्यवस्था गरेको छ।

प्रतिकूल मौसम र प्राविधिक समस्याका कारण बिहीबार मतदान प्रक्रिया प्रभावित भएको थियो। साँझ मतदान सुरु गर्दा प्रतिनिधिहरूलाई असहज हुने देखिएपछि उनीहरूको स्वास्थ्य र सुविधालाई ध्यानमा राख्दै मतदान शुक्रबार बिहानका लागि सारिएको निर्वाचन समितिले जनाएको छ।

निर्वाचन समितिका सदस्यसचिव राजु कटुवालका अनुसार महाधिवेशनमा ७ हजार ३१७ प्रतिनिधि रहेका छन्। तीमध्ये ७ हजार २५५ जना प्रतिनिधिले नयाँ केन्द्रीय कार्यसमिति चयनका लागि मतदान गर्ने समितिले जनाएको छ।

कुन प्रदेशका प्रतिनिधिले कहाँ मतदान गर्ने?

निर्वाचन समितिले महाधिवेशन प्रतिनिधिहरूका लागि विभिन्न स्थानमा मतदान केन्द्र तोकेको छ। प्रतिनिधिहरूले आफूलाई तोकिएको केन्द्रमा पुगेर मतदान गरिरहेका छन्।

निर्धारित मतदान केन्द्रअनुसार राष्ट्रिय सभा गृहको ‘क’ मतदान केन्द्रमा बागमती प्रदेशका प्रतिनिधि, खुलामञ्चको ‘ख’ मतदान केन्द्रमा कोशी प्रदेश तथा तराई–मधेश समूहका प्रतिनिधि र हिमाल हलमा गण्डकी प्रदेशका प्रतिनिधिले मतदान गर्ने व्यवस्था गरिएको छ।

त्यसैगरी, तराई–मधेश हलमा मधेश प्रदेशका प्रतिनिधि तथा पहाड हलमा लुम्बिनी, कर्णाली र सुदूरपश्चिम प्रदेशका प्रतिनिधिसहित नेपाली जनसम्पर्क समिति र भ्रातृ संस्थातर्फका प्रतिनिधिका लागि मतदानको व्यवस्था गरिएको छ।

मतदानपछि मतगणना

निर्वाचन समितिका अनुसार मतदान सम्पन्न भएपछि आवश्यक प्रक्रिया पूरा गरी मतगणना सुरु गरिनेछ। मतपेटिकाको सुरक्षित व्यवस्थापनलगायतका प्रक्रिया पूरा गरेर मतगणना अघि बढाइने र परिणाम सार्वजनिक गरिनेछ।

कांग्रेसको १५औँ महाधिवेशनले विधान संशोधनमार्फत केन्द्रीय कार्यसमितिलाई २९७ सदस्यीय बनाएको छ। नयाँ कार्यसमितिका पदाधिकारी तथा सदस्यहरू महाधिवेशनबाट चयन हुनेछन्।

सभापतिसहित विभिन्न पदमा प्रतिस्पर्धा भइरहेकाले नयाँ नेतृत्व चयनका लागि भइरहेको मतदानलाई महाधिवेशनको महत्त्वपूर्ण चरणका रूपमा हेरिएको छ। मतदान र मतगणना सम्पन्न भएपछि कांग्रेसको आगामी कार्यकालका लागि नयाँ नेतृत्व टुंगो लाग्नेछ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग