नेपाली कांग्रेसले राजनीतिमा योगदान गरेका, तर अहिलेसम्म पनि जिम्मेवारी नपाएकालाई राष्ट्रियसभामा पठाउने भएपछि आमकांग्रेसजन उत्साही भएका छन् ।

तीन दिनसम्म पार्टी कार्यालयमा चलेको केन्द्रीय कार्यसमिति बैठकले यस्तो निर्णय गरेको हो ।

शनिबार साँझ सम्पन्न बैठकले अवसरबाट वञ्चित र प्रतिष्ठतलाई उम्मेदवारमा समेट्ने तथा समावेशी प्रतिनिधित्व गर्ने निर्णय गरेपछि नेता कार्यकर्ता उत्साही देखिएका हुन् ।

बैठकमा सहभागी अधिकांश केन्द्रीय सदस्यले राष्ट्रिय सभामा नयाँलाई अवसर दिनुपर्ने दबाब दिएका थिए ।

जवाफमा सभापति शेरबहादुर देउवाले केन्द्रीय सदस्यले उठाएका भावनालाई समेटेर उम्मेदवार तय गर्ने बताएका थिए ।  ‘राष्ट्रिय सभामा जान धेरै साथी इच्छुक हुनुहुन्छ । गठबन्धनमा पनि छलफल गर्नु छ । थोरै सिटमा सबैलाई समेट्न कठिन छ । अवसर नपाएका नयाँ र योगदान गरेका पुराना साथीलाई मिलाएर लैजानुपर्नेछ । तपाईंहरूको भावनालाई समेटेर लैजाने प्रयास गर्नेछु,’ देउवाले भनेका थिए ।

उम्मेदवारको अन्तिम निर्णय संसदीय समितिबाट गर्ने कांग्रेस निर्णय छ । बैठकले प्रदेशबाट सिफारिस भएका नाम संसदीय समितिमा पठाउने निर्णय गरेको छ ।

कांग्रेसले प्रत्येक प्रदेशबाट तीन–तीनजनाको दरले नेताको नाम सिफारिस गर्न निर्देशन दिएको थियो । तर एउटै प्रदेशबाट झन्डै सयजनाको नाम केन्द्रमा पठाइएको छ ।

एक वर्षअघिको निर्वाचनमा हारेका, समानुपातिक सूचीमा रहेका, पटकपटक अवसर पाउँदै आएका नेतालाई राष्ट्रियसभामा उम्मेदवार बनाउने चर्चापछि चौतर्फी आलोचना भएको थियो ।

सोही कारण कांग्रेस केन्द्रीय समिति बैठकमा प्रायः सबै नेताले नयाँलाई अवसर दिएका थिए । बैठकका निर्णयबारे कांग्रेसले आइतबार पत्रकार सम्मेलन गरी जानकारी गराउने छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग