काठमाडौं - ११ महिनापछि गत साउन २ गते नेपाली कांग्रेस केन्द्रीय कार्यसमितिको बैठक बस्यो । अघिल्लो वर्ष भदौ ५ गते कांग्रेस केन्द्रीय समिति बैठक केही मिनेटका लागि बसेको थियो ।

त्यसपछि मंसिरमा निर्वाचन भयो । निर्वाचनपछि सरकार बनाउने बेला गठबन्धन टुट्यो । फेरि नयाँ सरकार बन्यो । राष्ट्रपति निर्वाचन भयो । फेरि नयाँ समीकरण बन्यो ।

तीन जिल्लामा प्रतिनिधिसभाको उपनिर्वाचन भयो । कांग्रेसको सर्मनाक पराजय भयो । तर पनि कांंग्रेस सभापति शेरबहादुर देउवाले केन्द्रीय समिति बैठक राख्न चाहेनन् । आफ्नो नेतृत्वको असफलताको आलोचना हुने डर उनमा थियो ।

यसबीचमा उनले महामन्त्रीद्वय गगन थापा र विश्वप्रकाश शर्माको आलोचना गर्न निकट नेताहरूलाई निर्देशन दिए । सोहीअनुसार पार्टी नेतृत्वको बाहिर बाहिर आलोचना गर्ने गरेको, तर पार्टी बैठकमा केही बोल्न नसक्ने भन्दै थापा र शर्माविरुद्ध केही केन्द्रीय सदस्यहरूले फायर खोले ।

अन्ततः देउवाले साउन २ गते केन्द्रीय समिति बैठक बोलाए । बैठकमा महामन्त्रीद्वय थापा र शर्माको आलोचना भयो । पार्टी नेतृत्वको बचाउ गरियो । तर केन्द्रीय सदस्यहरूले गरेको आलोचनाको कुनै प्रवाह नगरी थापा र शर्माले पार्टीको वार्षिक क्यालेन्डर सार्वजनिक गरे । महामन्त्री थापाले १३ पृष्ठको फरक मत दर्ता गरे ।

आफ्नो कुरा निर्धक्क बैठकमा राखे । शर्मा र थापा दुवैले नेतृत्वको कमीकमजोरीबारे खुलेर बैठकमा राखे । त्यसको चौतर्फी प्रशंसा भयो । केन्द्रीय समिति बैठक बस्नुअघि नै कांग्रेसले क्रियाशील सदस्यता अनलाइनमार्फत वितरण गरेर सुधारको काम गरिसकेको थियो ।

महामन्त्रीद्वयले सार्वजनिक गरेको वार्षिक क्यालेन्डरअनुसार कांग्रेसले कार्यक्रम सुरु गर्न थालेको छ । कांग्रेसको केन्द्रीय समिति बैठक असोज ४ गते बोलाइएको छ । कांग्रेसले आगामी मंसिर ११, १२ र १३ गते महासमिति बैठक गर्ने निर्णय गरेको छ ।

यसअघि भदौ २४ देखि २६ गतेसम्म बीपी साहित्य महोत्सव आयोजना गरियो । अब कांग्रेसले आफ्नो गति समातेको छ । महामन्त्री शर्माले केही दिनअघि मात्रै यो कुरा सार्वजनिक गरिसकेका छन् । उनले पार्टीमा सुधारको संकेत देखिन थालेको मात्र होइन, गति नै समातेको उल्लेख गरेका छन् ।

कांग्रेसको डा. शेखर कोइराला–गगन थापा समूहले पार्टीका पूर्वनिर्धारित कार्यक्रमहरूलाई व्यवस्थित रूपमा अघि बढाउन नेतृत्वलाई दबाब दिने भएका छन् ।

मंगलबार काठमाडौंमा बसेका इतर समूहको बैठकले महासमिति बैठकको तयारी, समयमा नै १५औं महाधिवेशन गर्ने तयारीलगायतका विषयमा नेतृत्वलाई दबाब दिने निर्णय गरेको हो ।

यसअघिको कार्यसमितिबाट पारित गरेको कार्यतालिकाको समीक्षा हुनुपर्ने र भएका कमीकमजोरीका बारेमा सुधार गरेर जाने बिषयमा छलफल भएको नेताहरूको भनाइ छ ।

कांग्रेस नेता दिलेन्द्रप्रसाद बडूले महासमितिको एजेन्डा तथा महाधिवेशनका लागि क्रियाशील सदस्यको विषयलाई टुंग्याउनका लागि तयारीबारे छलफल भएको जानकारी दिए । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ