काठमाडौं - नेपाली कांग्रेसका नेता डा.शेखर कोइराला अहिले आफूलाई पार्टीको वरिष्ठ नेताका रूपमा आफूलाई अगाडि बढाउन चाहिरहेका छन् ।

१४औं महाधिवेशनमा सभापतिका उम्मेदवार शेखर शेरबहादुर देउवासँग पराजित बनेका थिए । अहिले उनी संस्थापन र इतर दुवै समूहको निर्विकल्प नेता बन्ने प्रयासमा छन् ।

तर उनलाई दुवै समूहले त्यति धेरै भरोसा गरिरहेको देखिन्न । बुधबार उनले दिएका अभिव्यक्तिले पनि यो कुराको संकेत गर्छ । बिपी जयन्तीका अवसरमा आयोजित युवाहरूको विशेष विचार सम्मेलनलाई सम्बोधन गर्दै उनले पार्टी सभापतीय प्रणाली भएको बताए । उनले पार्टी सभापति र दुई महामन्त्री दुई ध्रुवमा बाँडिएर पार्टी नचल्ने बताए ।

‘अहिले कांग्रेसका सभापति र दुई जना महामन्त्री दुई ध्रुवमा बाँडिनुभएको छ । उहाँहरू नै दुई ध्रुवमा बाँडिएपछि पार्टी चल्छ कसरी ? हामीले यो सोचेका छौँ कहिले ? सभापतीय प्रणाली हो भने हामी त्यही हिसाबले हिँड्नुपर्‍यो । होइन भने अरू कुनै उपाय सोच्नुपर्छ । पार्टी सञ्चालन गर्न त्यो जरुरी छ । बिपीका पालामा प्रेसिडेन्सियल सिस्टम थियो, चलिराखेकै थियो । अहिले बहुपदीय छ, म बहुपदीयलाई खराब भन्दिनँ । तर यसले पनि हामीलाई बिगारिराखेको छ,’ उनले भने ।

शेखरको यो अभिव्यक्ति को प्रति लक्षित छ भन्ने प्रस्ट छ । पार्टी सभापतीय पद्धतिमा रहेको भनेर उनले सभापति देउवालाई समर्थन गरेका छन् । पार्टीका महामन्त्री गगन थापा र विश्वप्रकाश शर्माको असन्तुष्टि त्यति महत्वपूर्ण नभएको उनको भनाइ बुझिन्छ ।

भविष्यमा आफू सभापति बनेमा पार्टीलाई डिक्टेटरसीप ढंगले चलाउने उनको संकेत छ । अहिले पार्टी सभापति देउवा सिस्टमअनुसार नचलेको भन्दै महामन्त्रीद्वय थापा र शर्माले असन्तुष्टि राखेका छन् ।

तर त्यसलाई शेखरले त्यति महत्व दिएको देखिन्न । यसले शेखर महामन्त्रीसँग त्यति खुसी नदेखिएको हो कि भन्ने अनुमान गर्न सकिन्छ।

तर बारम्बार उनले आफू गगन थापासँगै रहेको प्रस्टीकरण दिनुले शेखरमा स्थिरता होइन, छटपटी देखिएको प्रस्ट छ ।

शशांक कोइरालाले आफूलाई सभापति देउवाको साथ रहेको र आगामी महाधिवेशनमा आफू सोही समूहबाट सभापतिको उम्मेदवार बन्न गइरहेको भन्ने अभिव्यक्ति दिएपछि शेखरलाई बडो संकट आइलागेको छ । त्यसैले अहिले उनी न देउवासँग जान सक्ने, न गगनलाई छाड्न सक्ने अवस्थामा छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ