काठमाडौं - नेपाली कांग्रेसको केन्द्रीय समिति बैठक आज पनि बस्दैछ । हिजो मंगलबारबाट सुरु भएको बैठक आज पनि जारी रहनेछ ।

बैठक बिहान ११ बजेबाट पार्टी कार्यालय सानेपामा सुरु हुनेछ । पहिलो दिन मंगलबार महामन्त्री विश्वप्रकाश शर्माले बैठकको एजेन्डा प्रस्तुत गरेका थिए ।

त्यसपछि महामन्त्री गगनकुमार थापाले पार्टीको वार्षिक कार्ययोजना प्रस्तुत गरेका थिए । बैठकमा नेता गोपालमान श्रेष्ठले निर्वाचन परिचालन समितिको प्रतिवेदन, आनन्दप्रसाद ढुंगानाले अनुशासन आयोगको प्रतिवेदन पेस गरेका थिए ।

उक्त प्रतिवेदनमाथि आज केन्द्रीय सदस्यहरूले आ–आफ्ना धारणा राख्नेछन् । केन्द्रीय समिति बैठकको आज पनि प्रत्यक्ष प्रसारण हुने मुख्यसचिव कृष्णप्रसाद पौडेलले जानकारी दिएका छन् ।

तर बैठक फेसबुकमा लाइभ भएकोमा पार्टीकै अधिकांश नेता खुसी छैनन् । जो पार्टीलाई सही ढंगले चलाउन चाहन्छन्, उनीहरू लाइभ भएकोमा खुस देखिएका छैनन् ।

तर लाइभ गरेपछि युवा नेताको मुख बन्द हुन्छ भन्ने मार्काका कांग्रेस नेता भने खुसी नै देखिएका छन् । कांग्रेस केन्द्रीय सदस्य रामहरि खतिवडा, बहादुरसिंह लामा, प्रतिमा गौतमलगायत केन्द्रीय समिति बैठक फेसबुकमा लाइभ हुँदा कडा ढंगले बोल्न अप्ठेरो हुने र पार्टीको भित्री कुरा बाहिर सार्वजनिक हुने भन्दै लाइभ गर्न नहुने मत राख्छन् ।

कांग्रेसको बैठक लाइभ हुने कि नहुने भन्ने आजदेखि केन्द्रीय सदस्यहरूले बोल्न थालेपछि नेतृत्वले मूल्यांकन गर्नेछ । यदि पार्टी नेतृत्वप्रति केन्द्रीय सदस्यहरू आक्रामक ढंगले प्रस्तुत हुन थालेमा लाइभ बन्द हुने अनुमान गरिएको छ ।

भरतजाज पोखरेल, सञ्जीव कार्की, विकान्त कार्की सयौं सामाजिक सञ्जाल प्रयोगकर्ता कांग्रेसको केन्द्रीय समिति बैठक प्रत्यक्ष प्रसारण भएकोमा असन्तुष्ट छन् ।

कांग्रेसले केन्द्रीय समिति बैठक लाइभ गरेर ऐतिहासिक निर्णय गरेको भए पनि यसरी निर्वस्त्र हुनु राम्रो नभएको उनीहरूले सामाजिक सञ्जालमा लेखेका छन् ।

पार्टी बैठकमा नेताहरूबीच घोचपेच मात्र हुँदैन, प्रतिपक्ष पार्टीविरुद्ध कसरी जाने, कस्तो रणनीति बनाउने भन्ने विषयमा पनि कुरा उठ्छन् । यी सबै रणनीति छताछुल्ल हुने भएकाले पनि लाइभ गर्न नहुने धेरैको मत छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग