काठमाडौं - नेपाल उद्योग वाणिज्य महासंघको वरिष्ठ उपाध्यक्षको निर्वाचन नेपाली कांग्रेस भर्सेस एमाले हुने भएको छ ।

पहिलो चरणमा कसैले ५१ प्रतिशत मत ल्याउन नसकेपछि दोस्रो चरणको मतदानबाट टुंगो लाग्ने भएको छ । बिहीबार बिहान सम्पन्न मतगणनामा अञ्जन श्रेष्ठले ३७, उमेशलाल श्रेष्ठले ३१ र रामचन्द्र संघईले ३० प्रतिशत मत प्राप्त गरेका थिए ।

त्यसैले पहिलो र दोस्रो धेरै मत ल्याउने अञ्जन र उमेशलालबीच दोस्रो चरणमा प्रतिस्पर्धा हुने भएको छ । अञ्जन र रामचन्द्र दुवै कांग्रेस पक्षीय उम्मेदवार हुन् । तर दुवै उठेकाले पहिलो चरणमा नतिजा नआएको हो ।

अहिले वरिष्ठ उपाध्यक्षमा जसले जित्यो, तीन वर्षपछि उही स्वतः अध्यक्ष हुने भएकाले पनि उद्योगी व्यवसायीको चुनावमा सबैले चासो राखेका हुन् ।

महासंघको निर्वाचनमा संघईले कांग्रेस सभापति शेरबहादुर देउवा पत्नी आरजु राणाको र अञ्जनले कांग्रेस महामन्त्री गगन थापा समूहको समर्थन छ । कांग्रेसबाट अब अञ्जन एकल उम्मेदवार भएका छन्।

बिहीबार बिहान अञ्जनले कांग्रेस सभापति देउवासँग धुम्बाराही पुगेर कुराकानी गरेका थिए । देउवाले अञ्जनलाई सहयोग गर्ने बचन दिएको स्रोतले बतायो । यतिबेला कांग्रेस महामन्त्री थापा अञ्जनको पक्षमा खुलेर लागेका छन् ।

यदि संघईको सबै मत पाएमा अञ्जनले ६७ प्रतिशत मत ल्याएर चुनाव जित्ने छन् । अलिअलि उमेशलालले मत पाए पनि अञ्जन नै विजयी हुने सम्भावना छ । तर संघई पक्षले कसलाई सहयोग गर्ने घोषणा गरिसकेको छैन ।

उनी अञ्जन र उमेशलाल दुवैसँग वार्तामा रहेको बताइएको छ । कम्युनिष्ट पार्टीका संस्थापक पुष्पलालका छोरा हुन् उमेशलाल। साहना प्रधानका छोरासमेत रहेका उमेशलाललाई एमाले पार्टीको सहयोग छ।

एमाले अध्यक्ष केपी ओलीले उमेशललाई जिताउन भन्दै सर्कुलर गरेका छन् । उनले केही उद्योगी व्यवसायीलाई खुलेरै उमेशको पक्षमा भोट मागेको बुझिएको छ ।

अहिले मारवाडी र नेवार समुदाय भनेर उम्मेदवारको व्यवहारका कारण कित्ताकाट भएको छ। उमेशलाल एउटा मारवाडी विरोधीका रुपमा चिनिएका छन्। त्यसैले मारवाडी समुदायको समर्थन अञ्जनलाई हुन सक्ने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ