काठमाडौं - नेपाली कांग्रेसको पदाधिकारीको संख्या १३ जना रहेको छ । एक सय ३४ केन्द्रीय कार्यसमितिमा अब केन्द्रीय सदस्यहरूको परिणाम आउन बाँकी छ ।

त्यस्तै, पदाधिकारीमा पर्ने कोषाध्यक्ष चाँडै मनोनीत गर्ने तयारीमा सभापति शेरबहादुर देउवा छन् । केन्द्रीय सदस्यमध्येबाटै कोषाध्यक्ष मनोनीत हुनेछन् ।

देउवाले कसलाई कोषाध्यक्ष बनाउँछन् ? अझै केही दिन कुर्नुपर्ने हुन्छ । तर, कांग्रेसमा निर्वाचित पदाधिकारीमा उमेरगत सन्तुलन भने झल्किएको छ ।

सभापति देउवा ७५ वर्षका भएका छन् । उपसभापतिमा ६७ वर्षीय पूर्णबहादुर खड्का र ५६ वर्षीय धनराज गुरुङ छन् । सहमहामन्त्रीमा निर्वाचित फरमुल्लाह मन्सुर ६८, भीष्मराज आङ्देम्बे ५५, महालक्ष्मी उपाध्याय डिना ५३, महेन्द्र यादव ५८, उमाकान्त चौधरी र किशोरसिंह राठौर ५२, विश्वप्रकाश शर्मा ४९, बद्री पाण्डे ४७, जीवन परियार ४६ र गगन थापा ४५ वर्षका छन् ।

यस आधारमा नेपाली कांग्रेसको १३ सदस्यीय पदाधिकारीमा गगन थापा सबैभन्दा कान्छा हुन् । पदाधिकारीमध्ये महामन्त्रीमा थापाले सबैभन्दा धेरै मत ल्याएका छन् । उनले तीन हजार २३ मत ल्याएका छन् । अर्का महामन्त्री शर्माले १९ सय ८४ मत पाए ।

धेरैपछि नेपाली कांग्रेसको पदाधिकारीमा कान्छा नेता आएका हुन् । कांग्रेसका संस्थापक नेता बिपी कोइराला ४२ वर्षकै उमेरमा प्रधानमन्त्री बनेका थिए ।

उनी पार्टी सभापतिसमेत सानै उमेरमा बनेका थिए । अनुभवी पाका नेता र जोसिला युवाहरूसहितको सन्तुलन मिलेको पदाधिकारी देउवाका लागि अनुकूल बन्न सक्छ । समन्वय गरेर आगामी तीनै तहको चुनावको तयारी गर्नसके देउवाका लागि पदाधिकारी शक्ति बन्ने धेरैको अपेक्षा छ ।

किनभने गगन र विश्वप्रकाश महामन्त्रीमा निर्वाचित भएसँगै देशभर नयाँ सन्देश गएको छ । कांग्रेसका नेता कार्यकर्ता मात्र होइन, विपक्षी दलका समर्थक र शुभेच्छुकसमेत खुसी भएका छन् ।

धेरै मानिस अबको निर्वाचनमा गगन र विश्वप्रकाशको जोडीले कांग्रेसको बहुमत ल्याउने आकलन गर्न थालिसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ