काठमाडौं – सत्तारुढ दल नेपाली कांग्रेसको १४औं महाधिवेशन अन्तर्गत भोलि शुक्रबार हुने काठमाडौं जिल्ला कार्यसमितिको अधिवेशनमा सभापति पदमा कृष्णसबुज बानियाँ र उपेन्द्र कार्कीबीच प्रतिस्पर्धा हुने देखिएको छ ।

बानियाँ काठमाडौंका बहालवाला सभापति समेत हुन् । उनी फेरि एक कार्यकाल सभापति पदमा दोहोरिन चाहेका छन् । बानियाँ नेता प्रकाशमान सिंहनिकट मानिन्छन् ।

काठमाडौं कांग्रेसमा सिंह र युवा नेता गगनकुमार थापाको प्रभाव देखिएको छ । युवा नेता थापाले समेत बानियाँलाई नै समर्थन गर्ने भएका छन् ।

अर्का उम्मेदवार कार्की सभापति शेरबहादुर देउवा र पूर्व महामन्त्री कृष्णप्रसाद सिटौला पक्षबाट संयुक्त रुपमा सभापति पदमा उम्मेदवार हुने भएका छन् ।

कांग्रेसको वडा, पालिका, प्रदेशसभा, प्रतिनिधिसभा क्षेत्रमा सिंह र थापा नेतृत्वले अधिकांश स्थान जीत हात पारेको छ । सभापति बानियाँलाई एक कार्यकाल सभापति बनाउने सिंह–थापा पक्षबीच यसअघि नै सहमति भएको हो ।

कार्कीले बिहीबार बसुन्धारामा पत्रकार सम्मेलन गरेर काठमाडौं सभापति उठ्ने घोषणा गर्ने भएका छन् । एकभन्दा बढी प्रतिनिधिसभा क्षेत्र भएका जिल्लामा कांग्रेसले मंसिर १० गते शुक्रबारका लागि जिल्ला अधिवेशन गर्दैछ ।

एक मात्र प्रतिनिधिसभा क्षेत्र भएका जिल्लामा मंसिर ६ गते नै जिल्ला अधिवेशन भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ