मंगलवार, मंसिर २१ २०७८Dec 07 2021

Logo
images
images
images

कर्णाली प्रदेशमा कांग्रेस नेता जीवनबहादुर शाही मुख्यमन्त्री बन्दै, नेताहरूबीच यस्तो सहमति

कर्णाली प्रदेशमा कांग्रेस नेता जीवनबहादुर शाही मुख्यमन्त्री बन्दै, नेताहरूबीच यस्तो सहमति

  • मिडिया डबली
  • सोमवार, आश्विन २५ २०७८

  • 7.8K
    SHARES

  • कर्णाली प्रदेशमा कांग्रेस नेता जीवनबहादुर शाही मुख्यमन्त्री बन्दै, नेताहरूबीच यस्तो सहमति

    काठमाडौं – कर्णाली प्रदेशमा नेकपा माओवादी केन्द्रका मुख्यमन्त्री महेन्द्रबहादुर शाहीलाई विस्थापित गर्दै नेपाली कांग्रेस संसदीय दलका नेता जीवनबहादुर शाही मुख्यमन्त्री बन्ने भएका छन् ।

    नेकपा एमालेले शाही सरकारलाई दिएको समर्थन फिर्ता लिएको बेलाको संकटमा कांग्रेस साथ दिँदै ६ महिनापछि कांग्रेस नेतृत्वको सरकार बनाउन सहमति भएको थियो । तर ६ महिना बितिसक्दा समेत शाहीले सरकार हस्तान्तरण गरेका छैनन् ।

    images

    यस्तै बेला केन्द्रमा बनेका सत्तारुढ ५ दलीय गठबन्धनमा सुदूरपश्चिम र कर्णाली प्रदेशमध्ये एउटा माओवादीले छाडेर कांग्रेसलाई दिने सहमति जुटेको छ । यससँगै कांग्रेस नेता जीवनबहादुर शाही मुख्यमन्त्री बन्ने मार्गप्रशस्त भएको छ ।

    गठबन्धनमा भएको पछिल्लो सहमतिअनुसार नेपाली कांग्रेस, नेकपा माओवादी केन्द्र र नेकपा एकीकृत समाजवादी (एस) ले दुई/दुई प्रदेशमा मुख्यमन्त्री लिने सहमति भएको छ । संघमा मन्त्रीको भागबण्डा सकिएर मन्त्रिपरिषद्ले पूर्णता पाएको छ ।

    सहमतिबमोजिम दशैंपछि देशका ३ वटा प्रदेशमा नेतृत्व फेरिने भएको छ । बागमती र १ नम्बर प्रदेशमा नेकपा एमालेका मुख्यमन्त्री क्रमशः अष्टलक्ष्मी शाक्य र भीम आचार्य पदमुक्त भएर एसको नेतृत्वको सरकार बन्ने देखिएको छ । बागमती प्रदेश कांग्रेसले लिएको अवस्थामा एसलाई कुनै अर्काे प्रदेशमा मुख्यमन्त्री दिइने भएको स्रोतले जनाएको छ । बागमतीमा कांग्रेस संसदीय दलका नेता ईन्द्र बानियाँ मुख्यमन्त्री बन्ने दौडमा छन् ।

    हाल देशभर माओवादीका ३ मुख्यमन्त्री रहेकाले माओवादीले १ मुख्यमन्त्री छाड्ने सहमति अध्यक्ष पुष्पकमल दाहाल ‘प्रचण्ड’ले गठबन्धनमा गरिसकेका छन् । लुम्बिनी, कर्णाली र सुदूरपश्चिम प्रदेशमा माओवादीका मुख्यमन्त्री छन् । लुम्बिनीका मुख्यमन्त्री हालै नियुक्त भएकाले राजीनामा दिनुपर्ने छैन तर कर्णाली र सुदूरपश्चिमका मुख्यमन्त्रीमध्ये एउटालाई हटाउने तयारी रहेको छ ।

    नेकपा एसले बागमती र १ नम्बर प्रदेशको मुख्यमन्त्री लिएमा सुदूरपश्चिम र कर्णाली प्रदेशमध्ये एउटाको नेतृत्व कांग्रेसले पाउने छ । हाल कांग्रेसका मुख्यमन्त्री गण्डकी प्रदेशमा मात्रै रहेका छन् ।

    माओवादीको उच्च स्रोतका अनुसार कर्णाली प्रदेशका मुख्यमन्त्री महेन्द्रबहादुर शाहीले राजीनामा दिनुपर्ने सम्भावना बढी छ । विश्वासको मत लिने बेलामा ६ महिनापछि कांग्रेसलाई नेतृत्व दिने सहमति जुटेको चर्चा पनि छ ।

    अर्काेतिर सुदूरपश्चिम प्रदेश प्रचण्डकी बुहारी बिना मगरको कायक्षेत्र रहेको प्रदेश हो, जहाँ यतिबेला मुख्यमन्त्री त्रिलोचन भट्ट बुहारी बिना मगरको गुटमा लागेका छन् ।

    माओवादी सुदूरपश्चिम प्रदेशभित्र बिना मगरलाई स्थापित गर्न प्रचण्डले सुरुमा खानेपानी मन्त्री र हाल प्रदेश सहइन्चार्ज समेत बनाएका छन् । सुदूरपश्चिमका मुख्यमन्त्री भट्टलाई हटाउँदा उनी चिढिने र बिना मगरको गुट कमजोर हुने अवस्था भएकाले बिना मगरलाई सुदूरपश्चिममा स्थापित गर्नका लागि मुख्यमन्त्री भट्टको सरकार सुरक्षित रहने स्रोतको दाबी छ । 

    बरु कर्णालीका मुख्यमन्त्री शाहीलाई प्रचण्डले सहजै राजीनामा गराउन सक्नेछन् । कर्णालीबाट जनार्दन शर्मालाई अर्थमन्त्री समेत बनाइएकाले जनार्दन शर्माले समेत मुख्यमन्त्री शाहीलाई राजीनामा गराउन सकारात्मक प्रभाव पार्न सक्छन् । सुदूरपश्चिमबाट माओवादीले संघीय सरकारमा कसैलाई पनि मन्त्री बनाएको छैन ।

    २ नम्बर प्रदेशमा गठबन्धनआवद्ध दल जनता समाजवादी पार्टी (जसपा) नेपाल नेतृत्वको सरकार कायमै रहने सहमति समेत गठबन्धनमा भएको छ । दलहरूबीच भएको सहमतिअनुसार दशैंपछि संसद बैठक सुरु भएलगत्तै मुख्यमन्त्री हेरफेर हुने भएका छन् ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, बैशाख २७ २०७७०२:१६:१७
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend