काठमाडौं – सत्तारुढ दल नेपाली कांग्रेसले १४औं महाधिवेशनका लागि ७ जिल्लाको क्रियाशील सदस्यता नामावली विवरण सार्वजनिक गरेको छ ।

आज बुधवार काठमाडौं, मोरङ, काभ्रे, सिन्धुपाल्चोक, कपिलवस्तु, बर्दिया र बाजुरा जिल्लाको क्रियाशील सदस्यता विवरण सार्वजनिक गरिएको छ ।

कांग्रेसको केन्द्रीय निर्वाचन समितिका अनुसार बुधबार सार्वजनिक गरिएको विवरणसँगै ६४ जिल्लाको क्रियाशील सदस्यताको नामावली सार्वजनिक भइसकेको छ ।

नेपाली कांग्रेसमा अब १३ जिल्लाको क्रियाशील सदस्यता सार्वजनिक हुन बाँकी रहेको छ । क्रियाशील सदस्यता विवरण सार्वजनिकसँगै वडा अधिवेशन हुने गरेका छन् ।

अब २ नम्बर प्रदेशका ८ वटै जिल्ला, बागमती प्रदेशको रसुवा, लुम्बिनी प्रदेशको बाँके, सुदूरपश्चिम प्रदेशको कैलाली र कर्णाली प्रदेशको सुर्खेत र डोल्पा जिल्लाको क्रियाशील सदस्यता नामावली प्रकाशन हुन बाँकी रहेको छ । 

महोत्तरी, पर्सा र कैलाली जिल्लामा क्रियाशील सदस्यता विवाद टुंगिए पनि नामावली सार्वजनिक भएको छैन ।
 
विवाद देखिएका २० जिल्लामा भदौ १८ गते वडा अधिवेशन नहुन नसकेपछि अधिवेशनको कार्यतालिका नै परिमार्जन गरिएको छ । २० जिल्लामा असोज ५ गत वडा अधिवेशन गर्ने नयाँ मिति तय गरिएको छ ।

नयाँ कार्यतालिका अनुसार पालिकाको अधिवेशन भदौ २७ गतेबाट असोज ९ गतेमा सारिएको छ । प्रदेश निर्वाचन असोज १२ गते तथा एक मात्र निर्वाचन क्षेत्र भएको जिल्लाको अधिवेशन असोज १५ गते गरिने तोकिएको छ । यसअघि जिल्ला अधिवेशन असोज ५ गते गर्ने तय गरिएको थियो ।

एकभन्दा बढी निर्वाचन क्षेत्र भएको जिल्लामा असोज १० गतेबाट असोज १८ गतेमा जिल्ला अधिवेशन सारिएको छ तर प्रदेशको अधिवेशन कात्तिक १०–१२ गतेसम्म र महाधिवेशन मंसिर ९–१३ गतेसम्म गरिने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग