काठमाडौं – सत्तारुढ दल नेपाली कांग्रेसका प्रवक्ता विश्वप्रकाश शर्माले आज बिहीवार पार्टीको १४औं महाधिवेशनका लागि महामन्त्री पदमा उम्मेदवारी घोषणा गर्दैछन् ।

आसन्न १४औं महाधिवेशनमा केन्द्रीय कार्यसमितिको पदाधिकारीमा उठ्ने संकेत गरेका प्रवक्ता शर्माले आज बीपी कोइरालाको जन्मजयन्तीको अवसर पारेर उम्मेदवारी घोषणा गर्दैछन् ।

बिहीबार दिउँसो सुन्दरीजलमा कार्यक्रम आयोजना गरी उम्मेदवारी घोषणा गर्ने शर्माले बताए ।

कांग्रेसका चर्चित युवा नेता गगन थापाले भदौ १४ गते नै महामन्त्री पदमा उम्मेदवारी घोषणा गरिसकेका छन् । कांग्रेसमा २ महामन्त्री निर्वाचित हुने प्रावधान रहेको छ ।

गगन थापा तेह्रौं महाधिवेशनमा समेत महामन्त्रीको उम्मेदवार रहेका थिए । शशांक कोइराला र अर्जुननरसिंह केसीसँग प्रतिस्पर्धा गरेका उनी तेस्रो भएर पहिलो राउन्डबाटै बाहिरिएका थिए ।

कांग्रेसको विधानमा २ जना महामन्त्री हुने व्यवस्था रहेको छ । यसअघि १ महामन्त्री निर्वाचित र अर्का मनोनित हुने व्यवस्था थियो । संशोधित विधानमा दुबै महामन्त्री निर्वाचित हुने व्यवस्था रहेको छ ।

प्रवक्ता शर्मा १३औं महाधिवेशनमा केन्द्रीय कार्यसमिति सदस्य पदमा निर्वाचित भएका थिए । २५ जनाको लागि भएको खुला निर्वाचनमा शर्मा १४औं नम्बरमा रहेका थिए ।

हाल पार्टी प्रवक्ता रहेका शर्मा नेपाल विद्यार्थी संघको दशौं सभापति हुन् । शर्मा २०५७ पुसमा संघको सभापतिमा निर्वाचित भएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग