शुक्रवार, आश्विन १ २०७८Sep 17 2021

Logo
images
images
images

देशभर यी १२१ वडामा कांग्रेस क्रियाशील सदस्यता स्थगितः नयाँ नपाइने, पुरानै कायम हुने

देशभर यी १२१ वडामा कांग्रेस क्रियाशील सदस्यता स्थगितः नयाँ नपाइने, पुरानै कायम हुने

  • मिडिया डबली
  • बिहिवार, श्रावण १४ २०७८

  • 26.2K
    SHARES

  • देशभर यी १२१ वडामा कांग्रेस क्रियाशील सदस्यता स्थगितः नयाँ नपाइने, पुरानै कायम हुने

    काठमाडौं – नेपाली कांग्रेस क्रियाशील सदस्यता विवादका कारण देशभर १२१ वटा वडामा सदस्यता स्थगित गरिएको छ ।

    महाधिवेशनका लागि तल्लो तहका तथा सबैभन्दा महत्त्वपूर्ण मतदाताका रुपमा रहने क्रियाशील सदस्यता विषयमा छानविन समितिले बुझाएको प्रतिवेदनअनुसार देशभर १२१ वडाको सदस्यता स्थगित गरिएको हो ।

    images

    यी वडाबाट आएका पुराना सदस्यता मात्र सदर गरी समितिले नयाँलाई १४औं महाधिवेशनपछि प्रक्रिया पुर्‍याएर कायम गर्ने गरी स्थगित गरेको छ । कांग्रेस क्रियाशील सदस्यता छानविन समिति सदस्य तथा प्रवक्ता प्रदीप पौडेलले १०० भन्दा बढी वडामा स्थगित गरिएको र ती सदस्यताको हकमा १४औं महाधिवेशनपछि निर्णय हुने बताएका छन् ।

    प्रतिवेदनअनुसार सुनसरी क्षेत्र ४ अन्तर्गत भोक्राहा गाउँपालिकाका ८ वटा वडाको सदस्यता स्थगित गरिएको छ । कोशी गाउँपालिका १, बराह क्षेत्र नगरपालिका ११ को पनि सदस्यता स्थगित भएको छ ।

    महोत्तरी मनहरा सिसुवा नगरपालिका ८ र १०, सर्लाही बहरथहवा नगरपालिका ११, रौतहट देवाही गोनाही नगरपालिका ६, माधवनारायण नगरपालिका १, २ र ३, दुर्गा भगवती गाउँपालिका ४, यमुनामाई गाउँपालिका २ र ५, राजदेशी गाउँपालिकाको सदस्यता स्थगित भएको छ ।

    पर्सा क्षेत्र ३ का सबै वडाको सदस्यता स्थगित गरिएको छ भने वीरगञ्ज महानगरपालिकाका २२, २७, २९ र ३१ वडा, बहुदरमाई नगरपालिका वडा नम्बर २ र ६, पसौगढी नगरपालिका ५, ६ र ७ को सदस्यता स्थगित गरिएको प्रतिवेदनमा उल्लेख गरिएको छ ।

    काभ्रेको पाँचखाल नगरपालिका १२, ललितपुर ललितपुर महानगरपालिका २८, महांकाल गाउँपालिका १, महालक्ष्मी नगरपालिका ६, काठमाडौं टोखा नगरपालिका ८, १० र ११, नागार्जुनको २, ३ र ६, तारकेश्वरको ३ र ६, कीर्तिपुर नगरपालिकाको २, गोकर्णेश्वर १, २, ३, ४, दक्षिणकाली २ वडाको पनि सदस्यता विवाद भएपछि स्थगित गरिएको जनाइएको छ ।

    धादिङ रुवीभ्याली गाउँपालिकाको ६ वटै वडा, चितवन रत्ननगर नगरपालिका ७, गुल्मी मुसीकोट नगरपालिका ५, कपिलवस्तु मायादेवी गाउँपालिका ३, कैलालीको क्षेत्र २ को जानकी गाउँपालिका वडा २, ५, ८ र ९ बाहेक २२ वटै वडा सदस्यता स्थगित गरिएको छ ।

    डोल्पामा नयाँ तर्फका सबै सदस्यता स्थगित गरिएको छ भने अछामको कमलबजार नगरपालिका ७, पञ्चदेवल विनायक नगरपालिका १, २, ४ डडेल्धुराको नवदुर्गा गाउँपालिका ३ र अमरगढी नगरपालिका ५ को सदस्यता विवाद भएपछि स्थगित गरिएको छ ।

    १३ औं महाधिवेशन छानबिन समितिबाट सोलुखुम्बुको ५१५ र बाराको १६६ फाराम पनि यसपटक समेत सहमति कायम हुन नसकेपछि पार्टी नेतृत्व समक्ष पठाइएको छ । बारा र सप्तरी जिल्ला कार्यसमिति क्रियाशील सदस्यता विवरण ढिला विवरण प्राप्त भएकाले पूरै जिल्ला भरका क्रियाशील सदस्यता प्रतिवेदनमा राखिएको छैन ।

    पार्टी समायोजनका कारण सिन्धुपाल्चोक, रसुवा, काभ्रेपलाञ्चोक, धनुषा, सर्लाही, कैलालीका केही क्षेत्रको क्रियाशील सदस्यता विवाद टुंगिन बाँकी रहेको प्रतिवेदनमा उल्लेख छ । बाँकी विवाद पदाधिकारीबाटै मिलाउने प्रयास हुनेछ ।

    त्रुटि हेर्दै छानविन समितिले मंगलवार पार्टी सभापतिसहित पदाधिकारीलाई बुझाएको सदस्यता प्रतिवेदन बुधवारको पदाधिकारी बैठकले पुनः त्रुटि हेर्न भन्दै समितिलाई नै जिम्मा लगाएको छ । सदस्यता विषयमा देखिएका त्रुटि २४ घण्टाभित्र समाधान गरेर पेश गर्न जिम्मा दिइएको छ ।

    समिति संयोजक रमेश लेखकले मंगलवार मात्रै पार्टी पदाधिकारी बैठकमा सभापतिलाई सदस्यता प्रतिवेदन बुझाएका थिए । जसअनुसार देशभर नयाँ तथा पुराना गरी कांग्रेसका क्रियाशील सदस्यता संख्या ८ लाख ५२ हजार ७११ पुगेको छ । आजको राजधानी दैनिकमा समाचार प्रकाशित छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, बैशाख २७ २०७७०२:१६:१७
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend Technology