मंगलवार, श्रावण १९ २०७८Aug 03 2021

Logo
images

भोलिदेखि काठमाडौंमा सार्वजनिक यातायात पनि खुल्ने !

भोलिदेखि काठमाडौंमा सार्वजनिक यातायात पनि खुल्ने !

  • मिडिया डबली
  • सोमवार, आषाढ १४ २०७८

  • 2.5K
    SHARES

  • भोलिदेखि काठमाडौंमा सार्वजनिक यातायात पनि खुल्ने !

    काठमाडौं – राजधानी काठमाडौं उपत्यकामा जारी निषेधाज्ञालाई खुकुलो बनाउने तयारी भएको छ ।

    जिल्ला प्रशासन कार्यालय काठमाडौंमा आईतवार काठमाडौं, भक्तपुर र ललितपुरका प्रमुख जिल्ला अधिकारीबीच भएको छलफलका क्रममा निषेधाज्ञाको मोडालिटीलाई थप खुकुलो बनाउने गरी परिमार्जन गर्ने विषयमा छलफल भएको छ ।

    images

    काठमाडौंका प्रमुख जिल्ला अधिकारी कालीप्रसाद पराजुलीले सार्वजनिक यातायातलाई पनि जोरबिजोरमा सञ्चालन गर्ने कि केही दिन पर्खने भन्नेमा छलफल भएको तर टुंगो भने नलागेको बताएका छन् ।

    ‘निषेधाज्ञाको मोडालिटीलाई परिमार्जन गर्ने भन्ने विषयमा छलफल भयो, सार्वजनिक सवारीलाई पनि जोरबिजोरमा सञ्चालन गर्ने भन्ने विषय पनि उठेका छन् तर टुंगो लागेको छैन,’ काठमाडौंका प्रमुख जिल्ला अधिकारी (सीडीओ) पराजुलीले भने ।

    निषेधाज्ञाको मोडालिटीलाई अब कसरी अघि बढाउने भन्ने विषय थप छलफलपछि सोमवार बस्ने बैठकले टुंगो लगाउने उनले बताए ।

    भक्तपुरका सीडीओ प्रेमप्रसाद भट्टराईले सार्वजनिक सवारीसाधनलाई सीमा तोकेर सञ्चालन गर्न दिने विषयमा छलफल भएको जानकारी दिएका छन् ।

    भट्टराईका अनुसार यसरी सीमा तोक्दा साना सवारीसाधनभन्दा ठूला र दूरी कायम हुनसक्ने सवारीसाधन सञ्चालन हुन सक्नेछन् । तर सो विषय छलफलपछि मात्रै टुंगो लाग्ने उनले बताए ।

    पसल तथा व्यवसाय सञ्चालनका लागि पनि बार अनुसारभन्दा समय निर्धारण गरेर सञ्चालन गर्न दिने विषयमा छलफल भइरहेको छ । यसरी समय निर्धारण गर्दा कुन र कस्ता पसल कुन समयमा खोल्न पाइने भन्ने तोकिने भएको छ ।

    राजनीतिक कार्यक्रम, सभा सम्मेलन, विवाह, ब्रतबन्ध, सभा तथा जुलुसजस्ता कार्यक्रम अझै केही समय सञ्चालनमा रोक लगाइने तयारी छ ।

    उपत्यकामा कोरोना संक्रमणको दोस्रो लहर सुरू भएसँगै गत बैशाख १६ गतेबाट निषेधाज्ञा कायम रहँदै आइरहेको छ । यसअघि उपत्यकाका तीनै जिल्लाका सीडीओको बैठकले असार ८ गतेबाट निषेधाज्ञाको मोडालिटीलाई थप खुकुलो बनाउँदै निजी यातायातमा जोरबिजोर प्रणाली लागू गरेको हो ।

    सोही निर्णयका आधारमा उपत्यकाका ३ वटै जिल्लामा बारका आधारमा पसल व्यवसाय सञ्चालन हुँदै आइरहेको छ । यसरी सञ्चालन गरिने पसल व्यवसायका लागि प्रशासनले समय समेत निर्धारण गरिदिएको छ । आजको राजधानी दैनिकमा समाचार प्रकाशित छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    आइतवार, भाद्र २१ २०७७०२:११:५२
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend Technology