मंगलवार, बैशाख ७ २०७८Apr 20 2021

Logo
images
images
images
images

नेकपा विवाद मुद्दाको फैसला सर्‍यो, सर्वाेच्च अदालतको यस्तो निर्णय

नेकपा विवाद मुद्दाको फैसला सर्‍यो, सर्वाेच्च अदालतको यस्तो निर्णय

  • मिडिया डबली
  • बुधवार, फाल्गुण १९ २०७७

  • 4.9K
    SHARES

  • नेकपा विवाद मुद्दाको फैसला सर्‍यो, सर्वाेच्च अदालतको यस्तो निर्णय

    काठमाडौं – सर्वाेच्च अदालतमा विचाराधीन नेपाल कम्युनिस्ट पार्टी (नेकपा) नाम सम्बन्धी मुद्दाको अन्तिम फैसला भोलि बिहीवार नहुने भएको छ ।

    सर्वोच्च अदालतका पूर्व प्रधान्यायाधीश सुरेन्द्रप्रसाद सिंहको निधनको शोकमा भोलि बिहीवार देशभरका अदालतमा बिदा गर्ने अदालतको पूर्ण बैठकको निर्णयका कारण भोलि हुने भनिएको फैसला सरेको छ ।

    images
    images

    यसअघि अदालतले फागुन २० गते बिहीवार फैसला सुनाउने गरी मिति तोेकेको थियो । गत फागुन १३ गते मुद्दाको सुनुवाइ सकिएको थियो ।

    सर्वाेच्चका न्यायाधीश बमकुमार श्रेष्ठ र कुमार रेग्मीको संयुक्त इजलासले फागुन २० गते बिहीवार फैसला सुनाउने निर्णय गरेका थिए ।

    नेकपा आफ्नो नाममा दर्ता रहेको भन्दै निर्वाचन आयोगले केपी शर्मा ओली र पुष्पकमल दाहाल ‘प्रचण्ड’ अध्यक्ष रहेको पार्टीलाई आधिकारिकता दिएको विरोधमा कट्टेलले २०७५ मंसिरमा सर्वाेच्च अदालतमा रिट दर्ता गराएका थिए ।

    तत्कालीन नेकपा एमाले र माओवादी केन्द्रबीच २०७५ जेठ ३ गते एकीकरण भएर नेपाल कम्युनिस्ट पार्टी नाम दिइएको थियो । मिल्दोजुल्दो नामको पार्टी त्यसअघि नै निर्वाचन आयोगमा ऋषि कट्टेल अध्यक्ष रहेको दर्ता रहेकाले पछि कोस्टकमा नेकपा राखेर पार्टीलाई आधिकारिकता दिइएको थियो ।

    ओली र प्रचण्ड अध्यक्ष रहेको नेकपाको दर्ता खारेज गर्न माग गर्दै ऋषि कट्टेलले निर्वाचन आयोगमा उजुरी दिएकोमा आयोगले कट्टेलको दाबी खारेज गरेपछि कट्टेल अदालत पुगेका थिए । अदालतमा पटक–पटक सुनुवाइ स्थगित हुँदै आएकोमा २ वर्षपछि फैसला हुन लागेको हो । अदालतको फैसलालाई चासोका साथ हेरिएको छ ।

    images
    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शुक्रवार, बैशाख २६ २०७७०१:३८:१४
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology