अर्जुननरसिंह केसीको चेतावनी : न निर्वाचन न संसद् पुनःस्थापना, अब नयाँ जंगबहादुर जन्मिन्छ
अर्जुननरसिंह केसीको चेतावनी : न निर्वाचन न संसद् पुनःस्थापना, अब नयाँ जंगबहादुर जन्मिन्छ
काठमाडौं - नेपाली कांग्रेसका केन्द्रीय सदस्य अर्जुननरसिंह केसी संविधान क्षतविक्षत गरी निर्वाचन भए संविधान नै समाप्त हुने चेतावनी दिएका छन् ।
संविधान नै समाप्त गरी भएको निर्वाचनले नयाँ जंगबहादुर जन्माउने प्रबल सम्भावना रहेको उनको भनाइ छ ।
प्रधानमन्त्री केपी ओलीले प्रतिनिधिसभा विघटन गरेसँगै गम्भीर आशंका र अनिश्चयको यात्रा सुरु भएको बताउँदै देश २०५९ देखि २०६३ सालतिरको अवस्थामा पुग्ने उनको अनुमान छ ।
प्रधानमन्त्री ओलीले संविधान र कानुन नमान्दै आफ्नै ढंगले चलेको आरोप लगाउँदै उनकै कारण देशमा नयाँ जंगबहादुर जन्मिने खतरा देखिएको उनको भनाइ छ ।
आइतबार बिहान सामाजिक सञ्जालमार्फत केसीले यस्तो चेतावनी दिएका हुन् ।
उनले लेखेका छन्, ‘गम्भीर आशंका र अनिश्चयको यात्रा प्रमको संसद विघटनसँगै सुरु भएको छ।न संसद पुनर्स्थापन, न निर्वाचन पुनः २०५९/६३ पछिको यात्राको पुनरावृत्तितिर देश उन्मुख देखिन्छ। संविधानलाई क्षत बिक्षत गर्दै यदि निर्वाचन नै भए पनि संविधान समाप्त हुने र नयाँ जंगबहादुर जन्मने प्रबल सम्भावना देखिन्छ ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४