काठमाडौं– स्वास्थ्य मन्त्रालयले अबको एक हप्तामा नेपालमा कोेरोना संक्रमण पिकमा पुग्ने आकलन गरेको छ। मन्त्रालयले असोज ५ गतेसम्म थप २ सय मानिसको ज्यान जाने प्रक्षेपण समेत गरेको छ। लकडाउन नगरे मंसिरसम्ममा कुल संक्रमितको संख्या ३ लाख नाघ्ने आकलन मन्त्रालयको छ। संक्रमणको गति मध्यम रहे असोज ५ गते सक्रिय संक्रमितको संख्या ३९ हजार पुग्नेछ।

अहिले नेपालमा सक्रिय संक्रमितको संख्या १६ हजार २ सय ५९ छ। अध्ययनले भदौ २९ गतेसम्म एक सय जना र त्यसपछिको एक साता अर्थात असोज ५ सम्म अर्को एक सयको मृत्यु हुनसक्ने आकलन पनि गरेको छ। हाल आईसीयू र भेन्टिलेटरमा रहेका गम्भीर बिरामीको आधारमा सो प्रक्षेपण गरिएको अध्ययनमा संलग्न मन्त्रालयका एक अधिकारीले बताए।

लकडाउन खुलेलगत्तै केस समुदायमा फैलिएको, काठमाडौं उपत्यका, पर्सा, विराटनगर, चितवन, बुटवल लगायतका ठूला सहरमा समुदायमा संक्रमण फैलिसकेको कारण भदौ २९ गते सबैभन्दा बढी संक्रमित थपिएर ३९ हजार पुग्ने सम्भावना रहेको उनले जनाए।

अहिले दैनिक एक हजारको हाराहारीमा संक्रमित थपिइरहेका छन्। हाल राजधानीसहित देशका ४४ जिल्लामा निषेधाज्ञा छ। 
पछिल्ला दिनमा जनस्वास्थ्यको मापदण्ड पालना गर्ने क्रम बढेको छ। अहिले झण्डै ७० प्रतिशतले मास्क प्रयोग गरिरहेको र भीड नियन्त्रण हुन सके संक्रमण दर घटाउन सकिने देखिएको उनले जनाए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोरोनाबाट मृत्यु हुनेको संख्या नघटेपछि ट्रम्पले हिन्दु पुजारी बोलाएर गराए शान्तिपाठ

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

प्रदेश २ मा १०० नाघे कोरोनाका संक्रमित, कहाँ कति?

थप ६ जनामा कोरोना संक्रमण, संक्रमितको संख्या २७३ पुग्यो

कपिलवस्तुमा थप तीन जनालाई कोरोना, संक्रमितको संख्या २७६ पुग्यो