काठमाडौँ - अविरल वर्षा, बाढी र पहिरोका कारण देशका विभिन्न स्थानका मुख्य राजमार्ग तथा सडकखण्ड अवरुद्ध भएका छन् । नेपाल प्रहरीले बिहीबार ४ गते बिहान ६ बजेसम्मको विवरण सार्वजनिक गर्दै विभिन्न सडकखण्डमा यातायात प्रभावित भएको जनाएको छ ।

कोशी प्रदेशमा भोजपुर नगरपालिका-५ बोखिममा बाढीका कारण मध्यपहाडी लोकमार्ग अवरुद्ध छ । इलाम नगरपालिका-९ राजदुवालीमा मेची राजमार्ग पनि अविरल वर्षाका कारण पूर्ण रूपमा अवरुद्ध रहेको प्रहरीले जनाएको छ ।

बागमती प्रदेशमा खुर्कोट-नेपालथोक-कटुन्जेबेंसी सडकखण्डमा राति ६ देखि बिहान ४ बजेसम्म सम्पूर्ण सवारी सञ्चालनमा रोक लगाइएको छ। बीपी राजमार्गमा पनि रातिको समयमा सवारी सञ्चालनमा रोक लगाइएको छ । मकवानपुरको कान्तिलोकपथमा बाढी तथा पहिरोको सम्भावना रहेको जनाइएको छ। सिन्धुपाल्चोकको कोदारी र लिपिङ तथा रसुवाको त्रिशूली-मैलुङ-स्याफ्रुबेंसी सडकखण्ड बाढी तथा पहिरोका कारण अवरुद्ध छन् । नुवाकोटको टोखा-छहरे सडकखण्डमा समेत राति सवारी सञ्चालनमा रोक लगाइएको छ ।

गण्डकी प्रदेशमा बागलुङको कालीगण्डकी करिडोर, लमजुङको बेँसीसहर-मनाङ सडकखण्ड तथा मुस्ताङका बेनी-जोमसोम र जोमसोम-कोरला सडकखण्डमा पहिरोका कारण यातायात प्रभावित भएको छ ।

केही सडकखण्ड एकतर्फी सञ्चालनमा आए पनि दुईतर्फी सञ्चालन हुन समय लाग्ने प्रहरीले जनाएको छ । कर्णाली प्रदेशको रुकुम पश्चिममा रिजेगार्ड खोलामा आएको बाढीका कारण जाजरकोट-डोल्पा सडकखण्ड पूर्ण रूपमा अवरुद्ध छ । प्रहरीले वर्षाका कारण सडकमा थप जोखिम हुन सक्ने भन्दै यात्रुले सम्बन्धित सडकको अवस्था बुझेर मात्र यात्रा गर्न आग्रह गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आज धेरै स्थानमा वर्षा हुने, यी ४ प्रदेशमा घनघोर वर्षाको पूर्वानुमान

आज देशभर यी क्षेत्रमा भारी वर्षा 

अविरल वर्षाले आज यी जिल्लाका नदीनालामा बाढीको खतरा

भोलिदेखि यी ५ प्रदेशमा अति भारी वर्षा, सावधान रहन चेतावनी

देशभर मनसुनी वायु सक्रिय : यी क्षेत्रमा भारी वर्षा, सतर्क रहनू

काठमाडौंमा एक रातमै १२१.५ मिलिमिटर वर्षा, किन भयाे अतिभारी वर्षा ?