काठमाडौं - नेपालका शीर्ष नेता कोही पनि जनताको निसानाबाट अछुतो रहन सकेका छैनन् ।

पछिल्लोपटक एमाले अध्यक्ष केपी ओलीमाथि धनकुटाको लेगुवामा स्थानीय महेश राईले मुक्का प्रहार गरेका थिए । तर एमालेले यसलाई अस्वीकार गर्दै आएको छ ।

कतिसम्म भने ओलीमाथि राईले जाँड खाएर आक्रमण गर्न खोजेको तर आफैै चिप्लिएर लडेको दाबी गरेको छ । एमालेले राईकी श्रीमतीलाई मिडियामा ल्याएर यसको ढाकछोपको प्रयास गरेको छ ।

जे भए पनि ओलीमाथि जनआक्रोश बढेको स्पष्ट हुन्छ । वर्तमान राष्ट्रपति रामचन्द्र पौडेल, प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, तत्कालीन सभापति स्व.सुशील कोइराला, एकीकृत समाजवादीका अध्यक्ष माधवकुमार नेपाल, झलनाथ खनाल, पूर्वप्रधानमन्त्री डा.बाबुराम भट्टराई, कांग्रेस उपसभापति पूर्णबहादुर खड्का, माओवादी नेता झक्कुप्रसाद सुवेदीलगायतमाथि सांघातिक आक्रमण भएका छन् ।

कसैमाथि झापड प्रहार भएका छन् । कोहीमाथि जुत्ता प्रहार, कसैमाथि कुर्सी प्रहार भएको छ । वर्तमान प्रधानमन्त्री प्रचण्डमाथि दुई दुईपटक आक्रमण भएको छ ।

पहिलोपटक २०७६ फागुन १८ मा राष्ट्रिय सभा गृहमा पूर्वमाओवादी कार्यकर्ता रविन तिरुवाले जुत्ता प्रहार गरेका थिए । यस्तै, २०६९ ंमंसिर २ मा भृकुटीमण्डपमा आयोजित चियापानमा पदम कुँवरले झापड हानेका थिए ।

लगत्तै प्रहरीले समातेर थुनेको थियो । तर पछि प्रचण्डले उनलाई माफी दिएको थियो । २०४८ मा गृहमन्त्री हुँदा वर्तमान कांग्रेस सभापति देउवालाई जनमोर्चाका सांसद कमानसिंह लामाले जुत्ता प्रहार गरेका थिए ।

वर्तमान राष्ट्रपति रामचन्द्र पौडेल २०५० सालमा कृषिमन्त्री हुँदा राष्ट्रियसभामा जवाफ दिएर फर्किने क्रममा एमाले सांसद गोल्छे सार्कीले गालामा झापड हानेका थिए । जुन विषयले त्यसबेला ठूलो हंगामा मच्चिएको थियो ।

२०७२ साउन ४ मा एकीकृत समाजवादीका अध्यक्ष माधवकुमार नेपाललाई उनकै गृहजिल्ला रौतहटमा तत्कालीन सद्भावना पार्टीका नेता अनिलकुमार झाको नेतृत्वमा सो पार्टीका कार्यकर्ताले कुर्सी प्रहार गरेका थिए ।

प्रहरीले सुरक्षा घेरामा नेपाललाई सुरक्षितस्थलमा लगेको थियो । यस्तै, २०७३ मंसिर २२ गते पूर्वप्रधानमन्त्री बाबुराम भट्टराईलाई कास्कीको पृथ्वीनारायण क्याम्पसमा कैलालीका सञ्जीव भट्टराईले जुत्ता प्रहार गरेका थिए ।

बाबुरामले माओवादी छाडेलगत्तै उनीमाथि आक्रमण भएको थियो । २०६७ माघ ६ गते एमाले अध्यक्ष रहेका बेला हाल एकीकृत समाजवादीका सम्मानित नेता झलनाथ खनाललाई सुनसरी भरौलका देवीप्रसाद रेग्मीले कार्यक्रममै चड्कन हानेका थिए ।

एमालेको बहालवाला अध्यक्ष नै कुटिएपछि त्यसबेला यसले खुबै चर्चा पाएको थियो । पछि खनालले रेग्मीलाई माफी दिएका थिए । २०६९ असोज १३ गते तत्कालीन कांग्रेस सभापति सुशील कोइरालामाथि प्रवेश बस्नेत नाम गरेका एक युवकले आक्रमणको प्रयास गरेका थिए ।

तर सुरक्षाकर्मीले तत्काल उनलाई रोकेकाले कुनै घटना हुन पाएन । २०६५ जेठ १५ मा तत्कालीन संविधानसभामा एमालेकी सांसद कमला शर्माले वर्तमान कांग्रेस उपसभापति एवं उपप्रधानमन्त्री पूर्णबहादुर खड्कालाई चप्पलले हानेकी थिइन् ।

खड्का र शर्मा दुवै सुर्खेतका हुन् । २०७४ चैत १ मा नुवाकोटमा पूर्वअर्थमन्त्री डा.रामशरण महतमाथि स्थानीय रामहरि खड्काले पानीको बोतल प्रहार गरेका थिए ।

तत्कालीन माओवादी सभासद् झक्कुप्रसाद सुवेदीलाई काठमाडौंको तीनकुनेमा गोरखाका प्रेमप्रसाद सापकोटाले चिया खुवाइसकेपछि दुई झापड हानेका थिए ।

सुवेदी त्यसबेला काठमाडौं २ मा एमालेका महासचिव माधवकुमार नेपाललाई हराएर चर्चामा आएका थिए । तर त्यसबेलै उनी कुटिएपछि हालसम्म पनि गुमनाम छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध