काठमाडौं - नेपाली कांग्रेसको १५औं महाधिवेशन निर्धारित मितिमै गर्ने गरी गृहकार्य थालिएको छ ।

विगतमा पाँच–छ वर्षमा महाधिवेशन हुने गरेको थियो । तर अब चार चार वर्षमै महाधिवेशन हुने र पहिले नै मिति तोक्ने कांग्रेसको तयारी छ । कांग्रेसको नीति तय गर्ने गरी पुस १६–१९ हुन लागेको महासमिति बैठकमा ०८२ मा महाधिवेशन सुनिश्चित हुने गरी प्रस्ताव लैजाने गृहकार्य सुरु भएको हो ।

अलग–अलग प्रतिवेदन लेखनको जिम्मा पाएका महामन्त्रीद्वय गगन थापा र विश्वप्रकाश शर्माले महाधिवेशनको मिति नै तोकेर प्रस्ताव लैजाने तयारी गरेका हुन् ।

महासमिति बैठकमा सांगठनिक प्रतिवेदनको जिम्मा महामन्त्री थापा र समसामयिक राजनीतिक प्रस्ताव तयार गर्ने जिम्मेवारी अर्का महामन्त्री शर्माले पाएका छन् । महामन्त्रीद्वय कांग्रेसको १५औँ महाधिवेशन २०८२ मंसिर २४–२६ मा मिति प्रस्ताव गर्ने गृहकार्यमा छन् ।

प्रत्येक चार वर्षमा हुने गरी २०७८ मंसिर २४ मा भएको १४औँ महाधिवेशनको मितिलाई आधार मान्न लागिएको हो । महामन्त्री थापाले २०८२ मा महाधिवेशन सम्पन्न गर्ने बाटोमा आफू केन्द्रित हुने बताउँदै आएका छन् ।

त्यसका लागि नीति अधिवेशन महाधिवेशन सुनिश्चत गराउने उपयुक्त थलो हुने थापा र शर्माको बुझाइ छ । विगतमा चार वर्षे कार्यकाल गुजारेपछि थम समय केन्द्रीय कार्यसमितिको म्याद बढाउने गरिन्थ्यो । जसले कांग्रेसको लोकतान्त्रिक आचरण र विचारलाई लत्याउने गरेको धेरैको भनाइ थियो ।

महामन्त्रीद्वयले प्रस्तावमा निर्वाचनपूर्व गठबन्धन नगर्नेसहित पार्टी रूपान्तरणका विषय समेटेर ठोस दस्ताबेज र दृष्टिकोण दिने तयारी गरेका छन् ।

बुधबार धुम्बाराहीमा बसेको पदाधिकारी बैठकमा महासमिति बैठकको तयारी र प्रस्तावको विषयमा छलफल भएको छ । अहिले कांग्रेसको ध्यान कसरी नीति महाधिवेशन सम्पन्न गर्ने, के कस्तो एजेन्डा तयार गर्ने भन्नेमा केन्द्रित भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

विश्व किर्तिमान गरेका मिङ्ग्मा शेर्पा सहितको टोलि कांग्रेसमा प्रवेश, डा. कोइरालाले गरे स्वागत

बालुवाटारमा तमसा भन्दै गगनले दिए नेकपालाई दनक, चौतर्फी हंगामा !

गगनको गर्जन : लाखौं कांग्रेसीको मन जित्न नसके सभापतिले राजिनामा दिनुपर्छ