देशमा अहिले जे छोए पनि सुन हुने अवस्था सिर्जना भएको ओलीको आरोप
देशमा अहिले जे छोए पनि सुन हुने अवस्था सिर्जना भएको ओलीको आरोप
काठमाडौं - एमाले अध्यक्ष केपी ओलीले भन्सारबाट अहिले जे ल्याउँदा पनि सुन नै आउने गरेको आरोप लगाएका छन् ।
तर पनि सरकार किन उच्चस्तरीय छानबिन समिति गठनमा सहमत हुन सकेको छैन भन्ने आफूले नबुझेको उनको भनाइ छ । आइतबार पार्टी प्रचार विभागले आयोजना गरेको पत्रकार सम्मेलनमा ओलीले अहिले सुन प्रकरणले त्यसलाई पुष्टि गरेको बताए ।
‘अहिले देश नै गोल्डेन टचको अवस्थामा छ । जे छोए पनि सुन हुने । ब्रेक शु ल्याए पनि सुन । सिगरेट ल्याए पनि सुन । अहिले देशलाई नै बर्बाद पार्ने ढंगले सरकार अघि बढेको छ,’ ओलीले भने ।
गृहमन्त्री विमानस्थलबाट क्विन्टलका क्विन्टल सुन तस्करी हुँदा पनि समाउन नसकेर स्टन्टमा लागेको ओलीले बताए । सोही कारण उनले कुनै पूर्वन्यायाधीशको संयोजकत्वमा समिति गठन गर्न भनेको बताए ।
सुन तस्करीसम्बन्धी प्रतिवेदन गायब गरिएको उनले बताए । पछिल्लो समय भन्सारबाट होइन, अन्तैबाट कारोबार भइरहेकाले राजस्व नउठेको बताएका छन् ।
माओवादी उपाध्यक्ष कृष्णबहादुर महरा सुन तस्करसँग लगातार दुई सयभन्दा बढीपटक फोन गर्दा पनि छानबिन नभएको भन्दै उनले आपत्ति जनाए । ओलीले यसरी पनि शासन प्रशासन चल्छ भन्दै प्रश्नसमेत गरे ।
कांग्रेस सांसद सुनिल शर्मा पक्राउ परेकोप्रति उनले आपत्ति जनाए । उनले शर्मालाई पक्राउ घटनाले आफूविरोधीलाई तर्साउने हल्ला फैलाइएको छ ।
उनले शर्माले शैक्षिक कागजातको छानबिन नगर्न आफूले नभनेको भन्दै सुन तस्करी भएको विषयलाई उठाउँदा एउटा कार्यकर्तालाई उजुरी हाल्न लगाएर सांसदलाई पक्राउ गर्नु कहाँसम्मको न्याय हो ? भनी प्रश्न गरे । सांसदलाई समेत पक्राउ गरिन्छ भनेर तर्साउन खोजिएको उनले बताए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४