काठमाडौं - नेपाली कांग्रेसका महामन्त्री गगन थापाले पार्टीका गुट गिरोहमा परिणत भएको आरोप लगाएका छन् ।

उनले सदस्यता प्रणाली नै सुधार गरेर कांग्रेसमा गुट भत्काउनुपर्ने बताएका छन् । प्रेस युनियनले शुक्रबार काठमाडौंमा आयोजना गरेको कार्यक्रममा महामन्त्री थापाले भने, ‘पार्टीभित्रका गुट गिरोहजस्ता भए। अब गुट भत्काउनुपर्‍यो। सदस्यता प्रणाली नै सुधार गरेर गुट भत्काउनुपर्छ।’

पार्टीले भोट पाए पनि विश्वास गुमाउँदै गएको उल्लेख गरे । उनले पार्टी सभापति शेरबहादुर देउवाले करिब डेढ वर्षदेखि एकलौटी निर्णय गर्दै आएको उल्लेख गरे ।

‘कांग्रेस संलग्न भएको सरकारले केही गम्भीर, महत्वपूर्ण, दीर्घकालीन महत्वको र जनचासोका विषयहरू निर्णय गरेको छ। रेशम चौधरीलाई आममाफी दिने निर्णय, नागरिकता विषय, प्रदेश सरकारमा कांग्रेसको सहभागिता र मन्त्रालय तोडफोड र सांसद विकास कोषलगायतबारे सभापतिले एक्लै गरेको निर्णय हो,’ उनले भने।

पार्टीको हित नगर्ने गलत किसिमका निर्णयको विरोध गरिने थापा बताउँछन्। ‘पार्टीका आधारभूत मान्यतासँग बाझिने गरी गरिएका निर्णय छन्, त्यसको भारी पार्टीमा परेको छ। यो क्रम रोकौं,’ उनले भने, ‘लडेर, जुधेर, संघर्ष गरेर रोक्ने हो। म काम गर्ने तरिका बदल्न चाहन्छु। पार्टीका साथीहरू पनि नयाँ भूमिकाका लागि तयार हुनुपर्छ ।’

अहिले नेपाली कांग्रेसलाई नवधनाढ्यले बिगारेका थापाले बताए । चुनाव लड्न पैसा चाहिने अहिलेको परिपाटीले पार्टीमा धनी मानिसको हालीमुहाली बढेको उनको भनाइ छ ।

२०८४ को निर्वाचनमा १६५ निर्वाचन क्षेत्रमा उम्मेदवार उठाउँदा जनताले रोजेको र चाहेको उम्मेदवार बनाउने बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा