काठमाडौं- आगामी वैशाख १० गते तीनवटा निर्वाचन क्षेत्रमा उपनिर्वाचन हुँदैछ । बारा २, चितवन २ र तनहुँ १ मा एमालेले आफ्नै उम्मेदवार उठाएको छ । बारा २ मा पुरुषोत्तम पौडेल, चितवन २ मा रामप्रसाद न्यौपाने र तनहुँ १ मा सर्वेन्द्र खनाललाई एमालेले उम्मेदवार बनाएको छ । तर तीनवटै निर्वाचन क्षेत्रमा एमाले प्रतिस्पर्धामा समेत नभएको सूचना पाएपछि अध्यक्ष केपी ओली निराश देखिएका छन् । 

भाइरल ज्वरोका कारण केही दिनदेखि ओली बालकोटस्थित घरमै आराम गरिरहेका छन् । यसबीचमा उनले तीनवटै निर्वाचन क्षेत्रबाट सूचना बटुलेका थिए । जसमा एमालेको प्रभाव तीनवटै क्षेत्रमा नरहेको सूचना पाएपछि ओली निराश बनेका हुन् । त्यसैले उनले फेसबुकमार्फत आफ्ना उम्मेदवारलाई जिताउन उनले भोट मागेका छन् । 

यो उपनिर्वाचनले सत्ता समीकरणमा केही फेरबदल नपारे पनि आगामी पाँच वर्षमा दलहरूको हैसियत भने अवश्य मापन गर्ने छ । त्यही भएर अहिले उपनिर्वाचनलाई नेपाली कांग्रेस, राष्ट्रिय स्वतन्त्र पार्टीले प्रतिष्ठाको विषय बनाएका छन् । एमालेले पनि प्रतिष्ठाको विषय बनाउनुपर्ने हो । तर त्यो पार्टीका शीर्ष नेता कोही पनि उपनिर्वाचनमा खटिएका छैनन् । बरु सचिव योगेश भट्टराई भने चितवन पुगेर रवि लामिछानेमाथि फायर खोले । गोकुल बास्कोटालाई चुनावी कमान्डर बनाएको एमालेका अन्य पदाधिकारी भने काठमाडौंमै मुख थुनेर बसेका छन् ।

एमालेमा रामबहादुर थापा बादल, सुवासचन्द्र नेम्वाङ, विष्णु पौडेल, ईश्वर पोखरेल, अष्टलक्ष्मी शाक्य, युवराज ज्ञवाली उपाध्यक्ष छन् । तर चितवन घर भएकै बादलसमेत चुनावी प्रचारमा हिँडेका छैनन् । महासचिव शंकर पोखरेल आफैं प्रतिनिधिसभामा पराजित भएकाले उनी चितवन जाने हिम्मत जुटाउन सकिरहेका छैनन् । उपमहासचिव प्रदीप ज्ञवाली, पृथ्वी सुब्बा गुरुङ र विष्णु रिमाल त कहीँकतै सिनमा समेत देखिएका छैनन् । 

स्रोतका अनुसार केपी ओलीले चितवन २ मा रास्वपाका रवि लामिछाने र कांग्रेसका जितनारायण श्रेष्ठबीच कडा प्रतिस्पर्धा हुने सूचना पाएका छन् । तनहुँ १ मा पनि कांग्रेसका गोविन्द भट्टराई र रास्वपाका स्वर्णिम वाग्लेबीच कडा प्रतिस्पर्धा हुने एमालेको बुझाई छ । तर केही एमाले मिडियाले भने भट्टराई र वाग्लेको लडाईमा सर्वेन्द्रले जित्ने लेख्न थालेका छन् । जबकि तनहुँमा उम्मेदवारी चयनकै विषयमा स्थानीय पार्टीभित्र आक्रोश हुँदा कार्यकर्ता परिचालित भएका छैनन् ।

विभिन्न जनसंगठनका अधिवेशनमा पार्टी नेतृत्वप्रति तीव्र आक्रोश देखिनु, ‘मिसन ग्रासरुट’ले समेत पार्टीलाई चलायमान गराउन नसक्नु, झापाबाट पार्टीका पुराना र लोकप्रिय नेता नरेश खरेलसहितको ठूलो पंक्तिले पार्टी परित्याग गर्नु, स्ववियु निर्वाचनमा अपेक्षित नतिजा हात नपार्नुले पनि अहिले ओलीमा चरम निराशा देखिएको स्रोतले बताएको छ । त्यही भएर यसअघि पार्टी छोडेर गइहाले हुन्थ्यो भनिएका भीम रावललाई केन्द्रीय कार्यालय च्यासलमै बोलाएर एमाले नेताहरूले पार्टी नछाड्न अनुनय विनय गरिरहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले ओलीले गरे दर्जनबढी गल्ती, उडाए संसदीय मर्यादाको धज्जी

छुवाछुतबारे ओलीको लामै उपदेश, तर रुकुम पश्चिम घटनाबारे वाक्य फुटेन

दोधारमा बामदेव, ओली गुटमा लाग्ने की प्रचण्ड गुटमा भन्ने विषयले पर्यो आपत

संसदीय दलमा समेत ओली अल्पमतमा, ११ सांसदको ठूलो पिर!

ओलीकै इच्छामा बनेको सल्लाहकारद्वारा विरोध, जनता सडकमा आएपछि पचाए लाज

ओली र प्रचण्डबीच बोलचाल नै बन्द, विष्णु पौडेलको सन्देशले काम गरेन !