काठमाडौं - नेपालमा दशैंले छपक्कै छोपेको छ । अबको तीन दिनपछि घटस्थापना छ । घटस्थापनापछि काठमाडौंमा बसेका धेरै नेपाली आ–आफ्ना घरमा जान सुरु गर्नेछन् ।

अहिले बस र हवाईको अग्रिम टिकट बुकिङ भइरहेको छ । सँगै दशैंमा नयाँ नोट साट्न नेपाल राष्ट्र बैंक तथा विभिन्न वाणिज्य बैंकमा भीड लागेको छ ।

दशैंमा नयाँ नोट प्रयोग गर्ने चलन बढ्दै गएको छ । हरेक वर्षको दशैंमा राष्ट्र बैंकले चार–पाँच अर्बको नयाँ नोट निस्कासन गर्ने गरेको छ । दशैंमा पुरानो नोट खासै प्रयोगमा आउँदैन ।

बालबालिकादेखि वृद्धवृद्धा सबै नयाँ नोट प्रयोग गर्न रमाउँछन् । सँगसँगै निर्वाचनको माहोल पनि निकै तातिएको छ । आगामी मंसिर ४ गते हुने निर्वाचनका लागि अहिले प्रमुख दलहरू उम्मेदवार छनोटमा लागेका छन् ।

सत्तारुढ पाँच दल सिट बाँडफाँडमा जुटेको छ । एमाले भने अन्य दलमा टिकट पाउने अवस्था नदेखेका, विभिन्न घटनाक्रममा मुछिएका, विवादित, नेता कार्यकर्ताले विश्वास गर्न छाडेकाहरूलाई धमाधम भित्र्याइरहेको छ ।

खासमा भन्नुपर्दा गठबन्धनमा देखिने असन्तुष्टिलाई क्यास गर्न एमाले च्याखे थापेर बसेको छ । दलहरूले असोज २ र ३ गते निर्वाचन आयोगमा समानुपातिक बन्दसूची बुझाइसकेका छन् ।

बन्दसूचीमा समेटिएका केही अनुहार बारे व्यापक असन्तुष्टि बढेको छ । प्रत्यक्षतर्फ हार्ने डरले समानुपातिकमा बसेको भन्दै विमलेन्द्र निधि, फरमुल्लाह मन्सुर, कृष्णबहादुर महरा, आरजु देउवा, पशुपतिशमशेर राणा, रघुजी पन्त, गोरखबहादुर बोगटीलगायतका नेता समानुपातिकमा बसेपछि नेपाली जनता आक्रोशित भएका छन् ।

डेट एक्सपायर भइसकेका यस्ता नेताहरूलाई चुनावबाटै पराजित गर्नुपर्नेमा दलहरूले समानुपातिक निर्वाचन प्रणालीको हुर्मत लिएर पुराना नेताहरूलाई सांसद बनाउन खोजेको भन्दै असन्तुष्टि बढेको हो ।

अझै पनि प्रदेश र प्रतिनिधिसभा निर्वाचनमा धेरै पुराना नेताहरू उठ्न लबिङमा लागेका छन् । ६० वर्षभन्दा माथिका नेताहरूलाई हराउनुपर्ने भन्दै अभियान नै चलिसकेको छ ।

त्यसलै अहिले चोकचोक, चियापसलमा ‘दशैंमा नयाँ नोट साट्ने, निर्वाचनमा पुराना नेता साट्ने’ भन्ने छलफल र गफ सुरु हुन थालेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस भित्र विमलेन्द्र निधिको वितण्डा [प्रमाण सहित ]

कांग्रेसका महाराजा बोल्नै हुन्न कारवाहिको डण्डा

निधि र कोइरलाबीच गोप्य भेट बार्ता, के भयो कुराकानी ?

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

बलात्कार आरोपी महरालाई सप्रमाण चोख्याइयो, अब भ्रष्टाचार आरोपी बास्कोटालाई चोख्याइँदै

कोरोना संक्रमित कांग्रेस नेता मन्सुरलाई काठमाडौं ल्याइयो !