काठमाडौं - यतिबेला नेकपा नेतृत्वको सरकार छ । झन्डै दुई तिहाइ बहुमतका साथ प्रधानमन्त्री केपी ओली छन् । राष्ट्रपति र उपराष्ट्रपति नेकपाकै छन् । संघीय संसद्अन्तर्गत प्रतिनिधिसभाको सभामुख र राष्ट्रिय सभाका अध्यक्ष पनि नेकपाकै छन् ।

अख्तियार प्रमुख रिक्त भए पनि आउने नेकपाकै कुनै कार्यकर्ता नियुक्त हुने पक्का छ । प्रधानन्यायाधीश कम्युनिस्ट सरकारकै पालामा नियुक्त भएका छन् । अबको १७ वर्षसम्म नेपालको न्यायालय कम्युनिस्टकै कब्जामा हुने गरी सेटिङ मिलाइसकिएको छ ।

प्रहरी महानिरीक्षक अहिलेकै सरकारले नियुक्त गरेको हो । नेपाली सेना पनि कम्युनिस्ट सरकारप्रति वफादार देखिन्छ । त्यसैले यतिबेला मुलुक कम्युनिस्टकै कब्जामा छ ।

संसदमा बहुमत भएकाले सबैलाई कारबाहीको त्रास देखाएर आफ्नो अनुकूल निर्णय गर्न नेकपा नेतृत्वको सरकारलाई सहज छ । त्यही भएर ठूल्ठूला काण्ड हुँदा पनि त्यसलाई सजिलै दबाइने वा फासफुस गर्ने गरिएको छ ।

तत्कालीन सभामुख कृष्णबहादुर महरा बलात्कार आरोपमा पक्राउ परे । उनले एक महिलासँग पहिलेदेखि नै सम्बन्ध राख्दै आएको तथ्य खुल्यो । महिलासँग बात लागेपछि उनले सभामुखबाट राजीनामा दिए ।

एक सय दिनभन्दा बढी प्रहरी हिरासतमा बसे । तर, यही बीचमा विभिन्न खेलोफड्को गरेर महरालाई सप्रमाण अदालतबाट चोख्याइयो । उनको सांसद पद निलम्बन फुकुवा भयो । नेकपाको स्थायी कमिटी सदस्य छन् । सरकारले फेरि सबै सेवासुविधा उपलब्ध गराएको छ ।

अब उनी फेरि शक्तिशाली बन्ने अभियानमा छन् । अब नेकपा नेतृत्वको सरकारले केही दिनभित्रै भ्रष्टाचार काण्डमा मन्त्री पद गुमाएका गोकुल बास्कोटालाई चोख्याउने अन्तिम तयारी गर्दैछ ।

त्यसका लागि अख्तियार दुरुपयोग अनुसन्धान आयोगले छानबिन अन्तिम चरणमा पुर्याइसकेको बुझिएको छ । सेक्युरिटी प्रिन्टिङ प्रेस खरिदमा बास्कोटाले विजय मिश्र नाम गरेका व्यक्तिसँग ७० करोड घुस बार्गेनिङ गरेको अडियोबाट खुलासा भएको थियो ।

अख्तियार आफैं बास्कोटाको निजी निवास पुगेर सोधपुछ गर्नुले नेपालमा विधिको शासन होइन, व्यक्तिको शासन छ भन्ने पुष्टि हुन्छ । ओली शासनले उत्तर कोरियाको शासनको झल्को दिएको टिप्पणी हुन थालेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

कृष्णबहादुर महराले चमत्कार गर्दा शंकर पोखरेललाई धक्का, बालुवाटारमा तनाव

कृष्णबहादुर महराको दैलोमा पुगिन् चिनियाँ राजदूत यान्छी

कृष्णबहादुर महरा नपुग्दै दाङमा बबन्डर, ओलीको ‘भित्रि डिजाइन’ खुलासा गर्दै भटाभट कारवाही

महिलासँग बात लाग्दा महरालाई जेल, बालिकाले आरोप लगाउँदा शेरधनलाई ओलीको रेड कार्पेट !

बिहानै सभापति देउवाको घर पुगे भीम रावल र कृष्णबहादुर महरा !