काठमाडौं - केही दिनयता माओवादी केन्द्रका अध्यक्ष पुष्पकमल दाहाल र एकीकृत समाजवादी अध्यक्ष माधवकुमार नेपालले आफूहरूलाई प्रधानमन्त्री बन्न अफर आएको भन्दै हल्ला पिटिरहेका छन् ।

स्थानीय तहको निर्वाचनमा आशा गरेभन्दा बढी सफलता पाएपछि प्रचण्डले गठबन्धनकै भविष्य धरापमा पर्ने गरी आफूलाई प्रधानमन्त्री बन्न अफर आएको भनेर अभिव्यक्ति दिएपछि माधव नेपालले पनि सोही बेहोराको कुरा सार्वजनिक गरे ।

प्रचण्ड र माधव नेपालले एमालेबाट प्रधानमन्त्री बन्न अफर आएको रहस्य खुलाएपछि यसको भित्री कारण खोज्न थालिएको छ । यो विषयले एमालेमै पनि हलचल मच्चिएको छ ।

यही चर्चाबीच एमालेकी सचिव पद्मा अर्यालले गठबन्धनमा बार्गेनिङका लागि प्रचण्ड र माधव नेपालले प्रधानमन्त्रीको प्रस्वाव गरेको हल्ला चलाएको बताएकी छन् । नेपाली रेडियो नेटवर्कमा आइतबार अन्तर्वार्ता दिँदै उनले भनिन्, ‘एमालेको कुरा एमालेले नै बोल्छ । एमालेको कुरा प्रचण्ड र माधव नेपालले बोल्ने होइन । उहाँहरुको केपी ओलीसँग कुनै भेटघाट भएको छैन ।

छलफल भएको पनि छैन । यो विषयमा कोही कसैसँग केही कुरा भएको छैन । यो कांगे्रसलाई तर्साउने र गठबन्धनमा आफ्नो पोजिसन र बार्गेनिङ पावर बढाउने हल्ला हो । मैले अहिलेसम्म त्यो सम्भावना देखेकी छैन ।’

उनले सुन्दा वाम गठबन्धन सुन्दर भए पनि त्यो तत्काल सम्भव नदेखिएको पनि बताइन् । ‘बाहिर जे जति हल्ला आएका छन्, त्यो आफ्नो स्वार्थसिद्धिका लागि गरिएको प्रचार हो ।

सुन्दा वामगठबन्धन सुन्दर कुरा हो । तर त्यो मनसायका साथ कुनै छलफल भएको छैन । भोलिको दिनमा छलफल भएछ भने अर्कै कुरा हो,’ उनले भनिन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !