काठमाडौं – कम्युनिस्ट प्रधानमन्त्री केपी शर्मा ओलीले लामो समयदेखि उठाउँदै आएको संसदबाट अमेरिकासँगको एमसीसी सम्झौता पारित गर्ने योजनामा ठूलो धक्का लागेको छ ।

एमसीसी सम्झौतालाई अगाडि बढाउने उद्देश्यसहित ओलीले आज शनिबारको सचिवालय बैठकमा भीम रावलसहितका नेतालाई राखेका थिए । तर अर्का अध्यक्ष पुष्पकमल दाहाल ‘प्रचण्ड’को अडानका कारण ओलीको सपना तुहिएको छ ।

सचिवालय बैठकमा प्रचण्डले एमसिसी परियोजनालाई पार्टीमा छलफल गरेर मात्रै अगाडि बढाउनुपर्ने अडान लिएका छन् । नेकपा सचिवालय सदस्य, एमसीसी कार्यदलका सदस्य र एमसीसीबारे अध्ययन गरेका नेकपा नेताबीच बालुवाटारमा भएको छलफलमा प्रचण्डले पार्टीमा थप छलफल गर्नुपर्ने अडान लिएका छन् ।

बैठकमा बोल्ने स्थायी कमिटी सदस्यहरुले स्थायी कमिटीको बैठकमा एमसीसीबारे छलफल हुनुपर्ने धारणा राखेका छन् । एमसीसी कार्यदलमा रहेका परराष्ट्रमन्त्री एवं स्थायी समिति सदस्य प्रदीप ज्ञवालीले सम्झौताको विश्वसनीयताका लागि पनि अगाडि बढाउनुपर्ने बताएपनि बैठकमा ओली पक्ष अल्पमतमा परेको स्रोतले जनाएको छ ।

एमसीसी विवाद बढ्दै गएको बेला नेकपा केन्द्रीय समिति बैठकले पूर्व प्रधानमन्त्री झलनाथ खनालको नेतृत्वमा अध्ययन कार्यदल बनाएको थियो ।

कार्यदलले यथास्थितिमा एमसीसीलाई अगाडि बढाउन नहुने निष्कर्ष सुनाएको थियो । तर प्रधानमन्त्री ओलीले तत्कालै एमसीसीलाई अगाडि बढाउन चाहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा