काठमाडौं - यतिबेला कांग्रेस नेतृत्वको सरकारमा पर्यटमन्त्री प्रेम आलेले एकलौटी चर्चा कमाएका छन् । कांग्रेस, माओवादी केन्द्र र जसपाका मन्त्रीहरू गुमनाम बन्दा जताततै आलेको मात्रै चर्चा परिचर्चा भइरहेको छ ।

मिडियादेखि सामाजिक सञ्जाल र टिकटकमा समेत आलेकै विषयमा चर्चा भइरहेको छ । एक हिसाबले भन्ने हो भने बेपत्ता भएको देउवा सरकारलाई सबैले सुन्ने बनाएको पर्यटनमन्त्री आलेले नै हो ।

देउवा सरकारमा एक से एक मन्त्री नभएका होइनन् । परराष्ट्रमन्त्री डा.नारायण खड्का र गृहमन्त्री बालकृष्ण खाँणले राम्रै काम गरेका छन् । बेलाबेलामा सहरी विकासमन्त्री रामकुमारी झाँक्री पनि चर्चामा आउने गरेकी छन् ।

तर, सकारात्मकभन्दा नकारात्मक चर्चा बढी पाउने गरेकी छन् । एक समय उमेश श्रेष्ठको नकारात्मक चर्चा बढी भएको थियो । तर, नागरिकलाई खोप लगाउन र खरिदमा उनले सफलता पाएपछि श्रेष्ठको चौतर्फी चर्चा भयो ।

सुरुमा पर्यटन बोर्डका कार्यकारी निर्देशक धनञ्जय रेग्मीसँग टसल गरेर विवादमा आएका मन्त्री आलेले नारायणहिटी दरबार संग्रहालयमा बतास समूहलाई क्याफ्टेरिया सञ्चालन गर्न अनुमति दिने पूर्वमन्त्री योगेश भट्टराईको काला कर्तुत खोतल्न लागे ।

अहिले पशुपति धर्मशालाबाट बतास समूहलाई अलग गर्ने अभियानमा लागेका आले हायात होटलतिर अघि बढेका छन् । हायात होटलको बहुमूल्य जग्गा कौडीको भाउका किन्ने व्यापारीको कर्तुत सार्वजनिक गर्ने उनको घोषणा छ ।

तर, यिनै आलेले लुम्बिनी क्षेत्रमा व्यापारी सुरज वैद्यलाई होट चलाउन दिएको तथ्य बाहिर आएको छ । व्यापारी वैद्य एमाले अध्यक्ष केपी ओली निकट हुन् ।

उनै वैद्यलाई ओलीले प्रधानमन्त्री हुँदा भिजिट नेपाल २०२० को संयोजक बनाएका थिए । आलेले व्यापारी वैद्यसँग राम्रै लाभ लिएर होटल खोल्न अनुमति दिएको तथ्य बाहिर आएको छ ।

आले पनि व्यापारी नै हुन् । उनी आर्थिक लाभ नभई कुनै काम गर्दैनन् भन्ने आरोप छ । त्यसैले अहिले सिस्टम बचाउन भन्दा पनि एकजना नेताको राजनीतिक करियर सिध्याउन आले लागेकाले उनलाई भाइरल मन्त्रीको उपमा दिन थालिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पर्यटनमन्त्री प्रेम आलेलाई पहिलो गाँसमा ठुलो झड्का, सर्वोच्च अदालतले सिकायो सबक !

पर्यटन मन्त्री प्रेम आलेले देखाए कतै नभएको जात्रा, चौतर्फी आलोचना

प्रेम आलेपछि एमालेविरुद्ध ‘फायर’ खोल्दै मन्त्री किसान श्रेष्ठ, योगेशको राजनीतिक भविष्य सिध्याइदिने

बाहिरियो प्रेम आलेको कर्तुत, मन्त्रीको ठाडो आदेशमा लुम्बिनीभित्र रिसोर्ट

मन्त्री आलेले अश्लील गालीगलौज गरेको अडियो भाइरल

प्रेम आलेलाई आफ्नै पालिकामा धक्का, कांग्रेसले गाड्यो विजयको झण्डा