काठमाडौं – नेपाली कांग्रेसका सभापति तथा प्रधानमन्त्री शेरबहादुर देउवाले नेतृत्वको सरकार गठन भएको साढे २ महिना पूरा भइसक्दा समेत मन्त्रिपरिषद्ले पूर्णता पाउन सकेको छैन । विभिन्न कारणले मन्त्रिपरिषद् विस्तारमा ढिलाइ भइरहेको छ ।

मन्त्रिपरिषद् विस्तारमा भइरहेको ढिलाइमा अर्काे नयाँ कारण बनेको छ, नेकपा एकीकृत समाजवादीका अध्यक्ष माधवकुमार नेपाल बिरामी हुनु ।

अध्यक्ष नेपाल बिरामी भएकाले मन्त्रिपरिषद् विस्तार अनिश्चित बनेको बालुवाटार स्रोतले जनाएको छ । अध्यक्ष नेपाल निको भएर अस्पतालबाट डिस्चार्ज भएपछि मात्र अब मन्त्रिपरिषद् विस्तारबारे छलफल हुने भएको छ ।

स्रोतले भन्यो, ‘गठबन्धनमा कुन दलले कुन मन्त्रालय लिने भन्ने भागबण्डा मिलेको छैन, त्यसमा केही विषय टुुंगिन बाँकी रहेका छन् । माधव कमरेड बिरामी भएकाले सहमति गर्न गाह्रो भयो । उहाँ डिस्चार्ज भएपछि छलफल गरेर मन्त्रिपरिषद्ले पूर्णता पाउनेछ ।’  

अध्यक्ष नेपाल अस्पतालबाट सोमवार मात्रै डिस्चार्ज हुने सचिवालयले जानकारी दिएको छ । अध्यक्ष नेपाललाई रुघाखोजी र ज्वरो आउने भएपछि त्रिवि शिक्षण अस्पताल भर्ना गरेर उपचार भइरहेको छ । नेपालको स्वास्थ्यमा सुधार हुँदै गएको अस्पतालले जनाएको छ ।

प्रधानमन्त्री देउवासँग गठबन्धनमा सहभागी जनता समाजवादी पार्टी (जसपा) नेपालका अध्यक्ष उपेन्द्र यादव चिढिएका समेत बताइएको छ । यादव उपप्रधानसहित परराष्ट्र मन्त्रीको जिम्मेवारी लिएर सरकारमा जान चाहेपनि देउवाले परराष्ट्रमन्त्रीमा डा. नारायण खड्कालाई नियुक्त गरिसकेका छन् । यादवले चाहेअनुसार देउवा उपप्रधानमन्त्री समेत नबनाउने निधो गरेका छन् । जसले गर्दा यादवको सरकारमा जाने चाहना पूरा हुन सकेन ।

प्रधानमन्त्री देउवाले सरकारमा अर्थ, गृह, उर्जा, परराष्ट्र कानून मन्त्री र स्वास्थ्य राज्यमन्त्री बनाएका छन् । सरकारका अन्य १७ मन्त्रालय प्रधानमन्त्री आफैंले सम्हाल्दै आएका छन् ।

नेपाली कांग्रेसले प्रधानमन्त्रीसहित ७, माओवादी र एकीकृत समाजवादीले ५/५ मन्त्री र १ राज्यमन्त्री पाउने सहमति बनेको छ । जसपालाई ४ मन्त्री र १ राज्यमन्त्री दिने सहमति भएको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध