काठमाडौं – नेकपा माओवादी केन्द्र छाडेर नेकपा एमालेमा लागेका ऊर्जा, जलस्रोत तथा सिँचाइमन्त्री टोपबहादुर रायमाझीका भाइ तोजबहादुर रायमाझी ‘विधान’लाई ठूलो पद दिइएपछि पार्टीभित्र विद्रोह भएको छ ।

नेकपा एमालेका निर्वाचित जिल्ला सचिव रामबहादुर चौहानलाई नेकपा एमालेले जिम्मेवारीबाट हटाएर रायमाझी विधानलाई सचिव बनाएपछि विवाद उत्कर्षमा पुगेको छ । रायमाझी माओवादी केन्द्रबाट एमालेमा लागेका मन्त्री टोपबहादुर रायमाझीका भाइ हुन् ।

जिल्ला सचिवबाट हटाइएपछि नेकपा एमालेको माधवकुमार नेपाल पक्षले समानान्तर कमिटी बनाएको छ । नेपाल पक्षको भेलाले रामबहादुर चौहानको अध्यक्षतामा समानान्तर कमिटी गठन गरेको छ । 

नेपाल पक्षको समानान्तर कमिटीमा साविक एमालेका निर्वाचित जिल्ला सचिव चौहान, उपसचिव प्रेम गैरे लगायत रहेका छन् । शनिवार जिल्ला भेला गरेर आफ्नो नेतृत्वमा ७२ सदस्यीय जिल्ला कमिटी गठन गरिएको नेता रामबहादुर चौहानले जानकारी दिएका छन् ।

चौहानले २०७५ सालमा निर्वाचित जिल्ला कमिटी अध्यक्ष चेतनारायण आचार्यलाई कारबाही गरिसकिएको दाबी गरेका छन् । नेकपा एमालेको ओली पक्षीय जिल्ला कमिटीमा २०७५ सालमै निर्वाचित अध्यक्ष चेतनारायण आचार्य रहेका छन् । आचार्य एमालेको केन्द्रीय सदस्य तथा लुम्बिनी प्रदेशसभा सदस्य समेत रहेका छन् ।

नेकपा एमालेका लुम्बिनी प्रदेश अध्यक्ष लिला गिरीले पार्टी हित विपरीत गुटगत भेला गरेर कारबाहीमा परेकाहरू एमालेको नेतृत्वमा बस्न नसुहाउने बताएका छन् । ‘अर्घाखाँचीमा पार्टीले कारबाही गरेका नेता दुमनसिंह थापा, पिताम्बर भुसालको सक्रियतामा पार्टीलाई कमजोर बनाउने, गुटगत भेला गर्ने काम भएको छ, यस्तो काममा लाग्ने, नेतृत्व गर्ने सबैलाई तत्काल कारबाही हुन्छ,’ गिरीले भने । उनले तत्काल कारबाही गर्न जिल्ला कमिटीलाई निर्देशन दिइसकेको बताएका छन् ।

अर्घाखाँची जिल्लामा माओवादी केन्द्रबाट नेता टोपबहादुर रायमाझी, राष्ट्रियसभा सदस्य चन्द्रबहादुर खड्का एमालेमा आएर जिम्मेवारी पाएपछि माधव नेपाल पक्ष त्रसित बनेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?