मंगलवार, बैशाख ७ २०७८Apr 20 2021

Logo
images
images
images
images

त्यो ‘नेकपा’ नै नरहेपछि बामदेव गौतमको यस्तो निर्णय, एमालेमा के गर्छन् ?

त्यो ‘नेकपा’ नै नरहेपछि बामदेव गौतमको यस्तो निर्णय, एमालेमा के गर्छन् ?

  • मिडिया डबली
  • सोमवार, फाल्गुण २४ २०७७

  • 5.0K
    SHARES

  • त्यो ‘नेकपा’ नै नरहेपछि बामदेव गौतमको यस्तो निर्णय, एमालेमा के गर्छन् ?

    काठमाडौं – नेपाल कम्युनिस्ट पार्टी (नेकपा) एकता राष्ट्रिय अभियान सञ्चालन गरेर विवादमा तटस्थ रहेका उपाध्यक्ष बामदेव गौतमको अभियान सर्वाेच्च अदालतको फैसलासँग तुहिएको छ ।

    अब नेकपा एमाले र माओवादी केन्द्र छुट्टाछुट्टै पार्टी भइसकेका छन् । अदालतले नै फैसला गरेपछि उपाध्यक्ष गौतमले मिलाउन सक्ने कुरा भएन ।

    images
    images

    अदालतको फैसलासँग गौतम नेकपा एमालेको उपाध्यक्ष भएका छन् । पछिल्लो परिस्थितिबारे भएको गौतम पक्षका नेताहरूको बैठकले  ‘सम्मानजनक रूपमा’ नेकपा एमालेमा फर्किने निर्णय गरेको छ ।

    सोमवार बसेको उपलब्ध नेताहरुको बैठकले सर्वोच्च अदालतको फैसलासँगै एमालेमा फर्किने निर्णय गरेको छ । सोमवार बिहान ११ बजेदेखि दिउँसो १ बजेसम्म गौतम पक्षधर नेताहरूको बैठक बसेको थियो ।

    ‘सम्मानजनक ढंगले एमालेमै फर्किने र त्यता गएर पनि कम्युनिस्ट आन्दोलनको एकतामा जोड दिने निर्णय गरिएको छ,’ गौतम निकट एक नेताले भने ।

    ऋषिराम कट्टेलले दायर गरेको मुद्दामा फैसला सुनाउँदै आईतबार सर्वोच्च अदालतले सत्तारुढ नेकपालाई दर्ता नै नभएको र साविक एमाले एवं माओवादी केन्द्र पूर्ववत् रूपमा रहेको फैसला सुनाएको थियो । अदालतले नेकपा नाम कट्टेलको पार्टीको हुने फैसला गरेको छ ।

    पहिल्यै नै दर्ता भइसकेको नाममा एमाले र माओवादी एकीकरण हुन नसक्ने भन्दै अदालतले एकता गर्न चाहे राजनीतिक दल सम्बन्धी व्यवस्था अनुसार फेरि प्रक्रिया थाल्न आदेश गरेको छ । तर प्रधानमन्त्री केपी शर्मा ओली र पुष्पकमल दाहाल ‘प्रचण्ड’को चर्काे विवादका कारण पुनः एकता सम्भव छैन ।

    सोमवार मात्रै नेकपाको प्रचण्ड–नेपाल पक्षको स्थायी कमिटी बैठकले नेपालहरू एमालेतिर फर्किने र प्रचण्डले माओवादी केन्द्रको नेतृत्व गर्ने निष्कर्ष निकालेको छ ।

    images
    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शुक्रवार, बैशाख २६ २०७७०९:३३:०८
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology