काठमाडौं – प्रधानमन्त्री केपी शर्मा ओली शुक्रबार भैंसेपाटीस्थित नेकपा उपाध्यक्ष बामदेव गौतमको घरमै पुगे । घरमै लडेर सामान्य घाइते भएका गौतमलाई भेटेर ओलीले शनिबार बोलाइएको नेकपा संसदीय दलको बैठकमा आउन निम्तो दिए ।

शुक्रबार नेकपा प्रचण्ड–नेपाल पक्षको संसदीय दलको बैठकमा बामदेव नगएपछि आफूले बोलाएको बैठकमा आउनसक्ने अनुमान ओलीको थियो । तर उपाध्यक्ष गौतमले ओलीलाई ठूलो झड्का लाग्ने निर्णय लिएका छन् ।

उपाध्यक्ष गौतम नेकपा ओली पक्षको संसदीय दलको बैठकमा समेत नजाने निर्णयमा पुगेका छन् । पार्टी एकता अभियान चलाइरहेका गौतम कुनै पनि पक्षमा नलाग्ने निष्कर्षमा पुगेका स्रोतले जनाएको छ ।

शुक्रवार साँझ गौतमको निवास भैंसीपाटीमै पुगेर संसदीय दलको बैठक आउन ओलीले दिएको निम्तो खेर गएको छ ।

उपाध्यक्ष गौतम पार्टीलाई कसरी एक बनाएर अगाडि बढाउने भन्ने अभियानमा लागेकाले कुनै एक पक्षको बैठकमा सहभागी हुने कुरै नरहेको स्रोतले जनाएको छ ।

शनिबार दिउँसो ३ बजे प्रधानमन्त्रीको सरकारी निवास बालुवाटारमा ओली पक्षको संसदीय दलको बैठक बस्दैछ । नेकपाकै प्रचण्ड–नेपाल पक्षले शुक्रवार प्रधानमन्त्री ओलीलाई संसदीय दलको नेताबाट हटाएर पुष्पकमल दाहाल ‘प्रचण्ड’लाई दल नेता चयन गरिएको छ ।

आज शनिबार बालुवाटारमा हुने संसदीय दलको बैठकका लागि प्रचण्ड–नेपालसहित सबै सांसदलाई निम्तो पठाइएको छ । बैठकमा को–को सहभागी हुन्छन् हेर्न बाँकी छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा