शेरधन राईविरुद्ध प्रदेश सभाभित्रै खुल्यो फायर, दिनगन्ती सुरू
शेरधन राईविरुद्ध प्रदेश सभाभित्रै खुल्यो फायर, दिनगन्ती सुरू
काठमाडौं – नेपाल कम्युनिस्ट पार्टी (नेकपा) विभाजित भएसँगै १ नम्बर प्रदेशका मुख्यमन्त्री शेरधन राईविरुद्ध प्रदेशसभामा दर्ता भएको अविश्वासको प्रस्ताव अगाडि बढेको छ ।
आईतबारको प्रदेशसभा बैठकमा मुख्यमन्त्री राईविरुद्ध फायर खुलेको छ ।
नेकपा ओली पक्षको असन्तुष्टिबीच ओली पक्षीय मुख्यमन्त्री शेरधन राईविरुद्ध प्रदेश सभामा अविश्वासको प्रस्ताव पेश भएको छ । सभामुख प्रदीपकुमार भण्डारीले लामो समयदेखि बैठक टार्दै आएपनि आईतबार बैठकलाई टार्न सकेनन् ।
मुख्यमन्त्री राईविरुद्ध नेकपा प्रचण्ड–नेपाल पक्षले पुस १२ गते अविश्वासको प्रस्ताव प्रदेश सभामा दर्ता गराएको थियो । तर ओली पक्षले नेकपा राजनीतिक रूपमा फुटे पनि कानुनी रूपमा नफुटेको भन्दै वैधानिकताबारे प्रश्न गर्दै आएको छ ।
आईतबार पनि बैठकअघि मुख्यमन्त्री शेरधन राईले सभामुखलाई पत्र पठाएर बैठक रोक्न माग गरेका थिए । आईतबार अविश्वास प्रस्ताव पेश भएपछि सभामुख भण्डारीले बैठक स्थगित गरेका छन् ।
अविश्वासको प्रस्तावमाथि छलफल गर्न अर्काे बैठक फागुन २० गते दिउँसो १ बजे बस्ने गरी तोकिएको छ । ओली पक्षले कारवाही गरेका प्रदेशसभा सदस्यलाई बैठकमा सहभागी नगराउन समेत माग गर्दै आएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४