सर्वाेच्चमा केपी ओलीका वकिलको अनौठो बहस : ‘प्रधानमन्त्री राजा बराबर नै हो’
सर्वाेच्चमा केपी ओलीका वकिलको अनौठो बहस : ‘प्रधानमन्त्री राजा बराबर नै हो’
काठमाडौं – प्रतिनिधिसभा संसद विघटनविरुद्ध सर्वाेच्च अदालतमा परेको रिटमाथि संवैधानिक इजलासमा जारी बहसमा प्रधानमन्त्री केपी शर्मा ओली पक्षका वकिलले अनौठो बहस गरेका छन् ।
प्रधानमन्त्रीलाई प्रतिनिधिसभा विघटन गर्ने अधिकार रहेको तर्क गर्दै ओलीका निजी वकिल आरसी गौतमले प्रधानमन्त्रीमा राजा र श्री ३ बराबरको अधिकार रहेको अनौठो तर्क गरेका हुन् ।
बिहीवारको बहसमा अधिवक्ता गौतमले संविधानले प्रधानमन्त्री ओलीलाई राजाको जत्तिकै अधिकार दिएको बताए । ‘संसद विघटन गर्ने अधिकार संसदीय प्रणालीमा हुन्छ । प्रधानमन्त्री राजा बराबर, श्री ३ बराबर हो, त्यसैले संसद् विघटन गर्ने अधिकार प्रधानमन्त्रीमा हुन्छ,’ गौतमले भनेका छन् ।
‘पहिलेको संविधानले जति अधिकार राजालाई दिएको थियो, अहिले त्यति नै अधिकार प्रधानमन्त्रीलाई दिएको छ । प्रधानमन्त्री भनेको केपी ओली हो । अहिले केपी ओली श्री ३ बराबर हो,’ उनले बहसका क्रममा भने ।
गौतमले प्रधानमन्त्रीलाई संविधानले अविशिष्ट अधिकार दिएकाले संसद विघटनको अधिकार समेत रहेको तर्क गरेका छन् । अविशिष्ट अधिकार भएकाले नै प्रधानमन्त्री ओलीले संसद् विघटन गरेको गौतमको दाबी थियो ।
संवैधानिक इजलासले संविधान हेरेर निवेदन खारेज गर्नुपर्ने माग उनले गरेका छन् ।
बिहीबार प्रधानमन्त्री ओलीका तर्फबाट बहस गर्ने कानून व्यवसायीको समय सकिएको छ । भोलिदेखि सभामुख अग्निप्रसाद सापकोटाका कानून व्यवसायीले बहस गर्ने जनाइएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४