काठमाडौं – सत्तारुढ नेपाल कम्युनिस्ट पार्टी (नेकपा) भित्र विवाद चर्किरहेका बेला समस्या समाधानका लागि कम्युनिस्ट प्रधानमन्त्री केपी शर्मा ओलीका दूत बनेर थुप्रै नेता अर्का अध्यक्ष पुष्पकमल दाहाल ‘प्रचण्ड’ निवास खुमलटार पुगे । तर समस्याको समाधान निस्किएन ।

अध्यक्ष प्रचण्ड प्रधानमन्त्रीको सरकारी निवास बालुवाटारमा दिनदिनै गइराख्छन् । तर पनि समाधान निस्किएको छैन । दिनदिनै बालुवाटार जाँदा वाक्क भएका प्रचण्डलाई फकाउन ओलीले नयाँ जुक्ति निकालेका छन् ।

अब प्रचण्डलाई फकाउन ओली आफैं प्रचण्ड निवास खुमलटार जाने भएका छन् । प्रधानमन्त्री भएपछि ओली पहिलो पटक खुमलटार जान लागेका हुन्, प्रचण्ड भने धेरैपटक बालुवाटार गइसकेका छन् ।

प्रधानमन्त्री ओली निकट स्रोतले दिएको जानकारी अनुसार ओली बिहान १० बजे प्रचण्ड निवास खुमलटार जाँदैछन् । पार्टीमा जारी गतिरोधबीच ओली प्रचण्ड निवास जानुलाई अर्थपूर्ण रूपमा हेरिएको छ ।

शुक्रवार बालुवाटारमा प्रचण्ड र ओलीबीच भेटवार्ता भएको थियो । बालुवाटारको भेटमा प्रचण्डले ओलीसँग गुनासो गर्दै भनेका थिए, ‘म मात्रै आइरहन्छु तपाईं पनि मेरोमा आउन हुन्छ नि !’ त्यसपछि प्रचण्डको चाहना बुझेपछि ओली खुमलटार जान तयार भएका हुन् ।

पछिल्लो समय संवैधानिक परिषद् सम्बन्धी अध्यादेश प्रकरणले नेकपाभित्र विवाद चर्किएको छ । शुक्रबार नेकपा कार्यालय पेरिसडाँडामा आयोजित भेलामा प्रचण्डले ओलीविरुद्ध थप एक्सन लिने बेला भएको अभिव्यक्ति दिएका थिए ।

यसअघि पार्टीभित्रै संकटमा परेका बेला ओली उपाध्यक्ष बामदेव गौतम निवास भैंसेपाटी पुगेका थिए । त्यसपछि गौतमले ओलीलाई सहयोग पुग्ने गरी काम गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा