नयाँदिल्ली – प्रधानमन्त्री नरेन्द्र मोदीले ब्लूमबर्ग न्यू इकोनोमिक फोरमलाई सम्बोधन गर्दै भारतमा गतिशीलता र नविनताका क्षेत्रहरूमा लगानी गर्ने उत्साहपूर्ण अवसर रहेको दावी गर्दै वैश्विक लगानीको आह्वान गरेका छन् । 

‘यदि तपाईं शहरीकरणमा लगानी गर्न खोज्दै हुनुहुन्छ भने भारतमा तपाईंका लागि रोमाञ्चक अवसरहरू छन् । यदि तपाईं गतिशीलतामा लगानी गर्ने सोचमा हुनुहुन्छ भने भारतमा तपाईंका लागि उत्साहपूर्ण अवसरहरू छन् । यदि तपाईं नवीनतामा लगानी गर्न चाहनुहुन्छ भने भारतसँग तपाईंको लागि नविनतामा बृहत् क्षेत्रहरू छन्,’ प्रधानमन्त्री मोदीले फोरमलाई भने ।

उनले भने, ‘भारतसँग व्यापारमैत्री वातावरण छ र यसले ठूलो बजार प्रदान गर्दछ र सरकारले भारतलाई रुचाएको वैश्विक लगानीको गन्तव्य बनाउन कुनै कसर छोड्ने छैन ।’

कोरोना भाइरस महामारीले खडा गरेको ठूलो चुनौती हुँदाहुँदै पनि भारतले यस कठिन समयको अवधिमा एक ‘असाधारण उदाहरण’ प्रस्तुत गरेको मोदीले बताएका छन् ।

प्रधानमन्त्री मोदीले विश्वयुद्धपछिको युगलाई कोरोना महामारीले ठूलो पाठ सिकाएको बताएका छन् । ‘मलाई लाग्छ दोस्रो विश्वयुद्धपछि भएका ऐतिहासिक पुनर्निर्माण प्रयासहरूले हामीलाई धेरै पाठ सिकाउन सक्छ । विश्वयुद्धपछि, सम्पूर्ण विश्वले नयाँ विश्व क्रममा काम गर्‍यो । नयाँ प्रोटोकल विकसित भयो र विश्व पनि परिवर्तन भयो । कोभिड–१९ ले पनि हामीलाई त्यस्तै मौका दियो । प्रत्येक क्षेत्रमा नयाँ प्रोटोकलहरू विकास गर्ने अवसरहरू रहेका छन्,’ उनले भने ।

भविष्यको लागि लचिलो प्रणाली विकास गर्न चाहेमा अहिलेको अवसरलाई संसारले छोड्नु नहुने आह्वान मोदीले गरेका छन् । भारतीय प्रधानमन्त्री मोदीले महामारीको क्रममा टेक्नोलोजीले पनि निरन्तरता कायम गर्न मद्दत गरेको बताए ।

‘भिडियो कन्फरेन्सिङ जस्ता असाधारण उपकरणका लागि धन्यवाद, म अधिक धेरै बैठकहरू अनलाइनबाटै उपस्थित भइरहेको छु । यसले मलाई दूरी तय गर्न र तपाईंहरूसँग कुराकानी गर्न पनि मद्दत गरेको छ । तर यसले कोभिडपछिको विश्वका लागि पनि चाखलाग्दो प्रश्न खडा गर्दछ,’ उनले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतमा कोरोना महामारी बढ्दै, शहरी क्षेत्रमा भयावह, ५२ हजार नाघे संक्रमित

नेपाललाई फाइदा पुग्ने गरी नरेन्द्र मोदीले गरे बंगलादेशसँग सहमति

म मोदीजी बराबरकै प्रधानमन्त्री हुँ : केपी ओली

मनकारी मोदीको मित्रता : भारतबाट १० लाख डोज कोरोना खोप निःशुल्क नेपाल आउँदै

नरेन्द्र मोदीले नेपालसहित छिमेकी देशलाई गरे यस्तो ‘अफर’

भारतीय प्रधानमन्त्री नरेन्द्र मोदीले बल्ल लगाए कोरोना विरुद्धको खोप