झापा – कम्युनिस्ट प्रधानमन्त्री केपी शर्मा ओली नेतृत्वको सरकारप्रति जनस्तरमा असन्तुष्टि बढिरहेका बेला ओलीकै गृहजिल्ला झापामा हजारौं जनता सडकमा उत्रिएका छन् ।

राजसंस्था र हिन्दूराष्ट्र पुनः स्थापना र संघीयता खारेजीको माग गर्दै झापामा राष्ट्रिय प्रजातन्त्र पार्टी (राप्रपा) को आह्वानमा हजारौं युवालाई सडक प्रदर्शनमा उत्रिएका हुन् ।

प्रदर्शनपछि आयोजित कोणसभालाई सम्बोधन गर्दै राप्रपाका प्रतिनिधिसभा सदस्य राजेन्द्र लिङ्देनले राजावादीको प्रदर्शन ‘कास्टिङ’ मात्र भएको बताए । काँकडभिट्टाबाट सुरू भएको र्‍यालीलाई बिर्तामोडमा पुगेपछि सम्बोधन गर्दै लिङ्देनले भने, ‘यो प्रदर्शन कास्टिङ मात्र हो । क्लाइमेक्स आउन बाँकी छ ।’ 

नेता लिङ्देनले प्रधानमन्त्री केपी ओली मात्र नभएर अहिलेको व्यवस्था नै असफल भएको आरोप लगाउँदै नेकपा अध्यक्षद्व ओली र पुष्पकमल दाहाल ‘प्रचण्ड’ जनताको भविष्य बर्बाद पार्न लागेको उद्घोष गरे ।

‘यो देश अहिलेको व्यवस्थाले बिग्रियो भने केपी ओली र प्रचण्ड लगायतका नेतालाई केही फरक पर्दैन,’ लिङ्देनले भने, ‘जनताको वर्तमानदेखि भविष्य समेत बर्बाद पार्ने सुरमा नेता लागेका छन् ।’ 

लिङ्देनले अब राजसंस्था र हिन्दूराष्ट्र सबैको साझा भएको बताएका छन् । ‘हिन्दूराष्ट्र कुनै जात विशेषले मान्ने नभएकाले सबै नेपालीलाई बाध्ने एक मात्र सूत्र हिन्दूराष्ट्र हो,’ उनले भने । 

शनिवार दिउँसो ३ बजे काँकडभिट्टाबाट सुरू भएको प्रदर्शनमा १५ वटै स्थानीय तहबाट राप्रपाका कार्यकर्ता काँकडभिट्टामा भेला भएका थिए । मोटरसाइकल र्‍यालीमा सहभागी सबैले ‘राजा आऊ देश बचाऊ, नारायणहिटी दरबार खाली गर’ लगायत नारा लगाएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध