शनिवार, मंसिर १३ २०७७Nov 28 2020

Logo
images
images
images
images
आजको विशेष

ओलीले प्रचण्डलाई जवाफ दिएकै दिन नेकपा दुई फ्याक

ओलीले प्रचण्डलाई जवाफ दिएकै दिन नेकपा दुई फ्याक

  • मिडिया डबली
  • बिहिवार, मंसिर ४ २०७७

  • 5.7K
    SHARES

  • ओलीले प्रचण्डलाई जवाफ दिएकै दिन नेकपा दुई फ्याक

    काठमाडौं - सत्तारुढ नेकपामा अहिले अस्थायी युद्धविराम देखिएको छ । आन्तरिक विवाद उत्कर्षमा पुगेका बेला विभिन्न शक्तिकेन्द्रको दबाबका कारण नेकपा विभाजनको डिलमै पुगेर अडिएको छ ।

    तर, कति समयसम्म एकढिक्का रहने भन्ने निश्चित छैन । किनभने मंसिर १३ गतेसम्म सबै प्रतीक्षामा छन् । अब बस्ने नेकपा सचिवालय बैठकमा प्रधानमन्त्री केपी ओलीले पार्टीका कार्यकारी अध्यक्ष पुष्पकमल दाहाल प्रचण्डसहित पाँच नेतालाई जवाफ लेख्दैछन् ।

    images
    images

    त्यो जवाफ साह्रै कडा हुने संकेत ओलीले बुधबारकै बैठकमा दिइसकेका छन् । नेकपाका नेताहरु ओलीले दिने जवाफले नै पार्टीको आगामी भविष्य निर्धारण गर्ने बताउँछन् ।

    योगेश भट्टराई, घनश्याम भुसाल, टोपबहादुर रायमाझीलगायतका नेता आगामी बैठकबाट नेकपा नफुट्नेमा निश्चिन्त छन् । तर, ईश्वर पोखरेल, शंकर पोखरेल, गोकुल बास्कोटाहरु ढुक्क छैनन् ।

    किनभने अलि अघिसम्म प्रचण्डको पत्रको जवाफ ओलीले दिन आवश्यक नरहेको र त्यो खारेज गर्नुपर्ने उनीहरूको तर्क छ । ओलीले बुधबारको बैठकमा आफूले प्रचण्डले दिएको पत्रलाई हल्का नलिएको बरु गम्भीर ढंगले लिएको भन्दै आफूमाथि लगाइएको आरोप पुष्टि भएमा आफूले प्रधानमन्त्री र अध्यक्ष दुवै छाड्ने, आरोप पुष्टि नभए प्रचण्डले अध्यक्ष छाड्नुपर्ने विचार राखिसकेकाले अब कम्तीमा पनि नेकपा एकढिक्का नरहने विश्लेषण सुरु हुन थालेको छ ।

    ओली आफ्ना विरोधीलाई कसरी सिध्याउने भन्नेमा माहिर छन् । त्यसमाथि उनले प्रचण्डले आफूमाथि लगाएको आरोप आजसम्मकै सबैभन्दा घटिया र अश्लील भएको उनको ठहर छ । त्यसैले १३ गते बस्ने नेकपा सचिवालय बैठकमा ओलीले निकै कडा जवाफ पत्र लेख्ने निश्चित छ ।

    अहिले ओलीलाई उनी निकट नेताहरु प्रचण्डलाई नेकपाबाट खेद्ने गरी जवाफ लेख्न उक्साइरहेका छन् । त्यसैले प्रचण्डको हालसम्मको राजनीतिक जीवनमाथि नै प्रहार गर्ने गरी जवाफ आएपछि उनले के गर्लान् ? भन्ने चासो सर्वत्र देखिएको छ ।

    धेरैले ओलीको जवाफ आएकै दिनदेखि एमाले र माओवादी अलग अलग हुने अनुमान गरेका छन् ।

    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शुक्रवार, बैशाख २६ २०७७०१:४८:०८
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology