बिहिवार, आश्विन ८ २०७७Sep 24 2020

Logo
images
images
राजनीतिक बिशेष

प्रधानमन्त्री बन्ने घोषणा गरेका वामदेवलाई सांसद बन्न पनि धौ धौ, ओलीले यसरी लिए बदला

प्रधानमन्त्री बन्ने घोषणा गरेका वामदेवलाई सांसद बन्न पनि धौ धौ, ओलीले यसरी लिए बदला

  • मिडिया डबली
  • बुधवार, भाद्र ३१ २०७७

  • 963
    SHARES

  • प्रधानमन्त्री बन्ने घोषणा गरेका वामदेवलाई सांसद बन्न पनि धौ धौ, ओलीले यसरी लिए बदला

    काठमाडौं -  सत्तारुढ नेकपाले उपाध्यक्ष वामदेव गौतमलाई राष्ट्रिय सभा सदस्य बनाउने निर्णय गरेपछि आइतबारको मन्त्रिपरिषद् बैठकले उनलाई सांसद मनोनीतका लागि राष्ट्रपतिसमक्ष सिफारिस गरेको छ ।

    तर, चार दिन बितिसक्दा पनि राष्ट्रपति विद्यादेवी भण्डारीले वामदेवलाई सांसद मनोनीत गरेकी छैनन् । यसअघि प्रधानमन्त्री केपी ओलीले आफू र पार्टी अनुकूल निर्णय गरेको मन्त्रिपरिषद्को सिफारिस राष्ट्रपति भण्डारीले १५ मिनेटभित्र त्यो पनि रातारात स्वीकृत गर्थिन् ।

    तर, वामदेवलाई सांसद मनोनीत गर्ने निर्णय किन अड्काएर राखिएको छ भन्ने रहस्यमै छ । नेकपाभित्रै यो विषयले ठूलै रडाको मच्चाउने आशंका गर्दै प्रधानमन्त्री ओलीले नै रोक्न लगाएको रहस्य खुल्दै गएको छ ।

    आफ्ना प्रियपात्र डा.युवराज खतिवडालाई अर्थमन्त्रीबाट फाल्न वामदेवलाई सांसद बनाउने अडान राखिएपछि ओली क्रूद्ध बनेका थिए । मन्त्रीबाट हटेको दुई साता नबित्दै ओलीले खतिवडालाई बालुवाटारमा नियुक्ति दिलाइसकेका छन् ।

    तर, वामदेवको सांसद बन्ने धोकोमा हलो अड्काएर राखेका छन् । तीन वर्षअघि निर्वाचनताका वामदेवले बर्दियामा आफू चुनाव जितेर गएपछि प्रधानमन्त्री बन्ने घोषणा गरेका थिए ।

    उनको त्यो घोषणालाई केपी ओलीलगायतको उनको खेमाले रुचाएको थिएन । त्यसैले बर्दियामा तत्कालीन एमाले र माओवादीको मत जोड्दा कांग्रेसभन्दा ३० हजार बढी मत थियो । तर, कांग्रेसका सञ्जयकुमार गौतमले वामदेवलाई साढे सात सय मतले पराजित गरे ।

    दुवैको मत ४४–४४ हजार आएको थियो । तर, सुनुयोजित ढंगले वामदेवलाई हराइयो । त्यसपछि पनि वामदेवले प्रधानमन्त्री बन्ने सपना देख्न छाडेनन् । उनले विभिन्न जिल्लामा उपनिर्वाचनमार्फत प्रतिनिधिसभामा आउन खोजे ।

    त्यहाँ पनि ओली नै बाधक बने । हुँदा हुँदा अहिले वामदेवलाई सांसद बन्न पनि धौ धौ बनाइदिएका छन् । प्रधानमन्त्री बन्ने वामदेवको योजना कम्तीमा साढे दुई वर्षसम्म च्याप्टर क्लोज भएको छ ।

    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शुक्रवार, बैशाख २६ २०७७०९:३३:०८
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology