काठमाडौं– बार्सिलोनालाई पछि पार्दै रियल मड्रिड ला लिगाको शिर्ष स्थानमा उक्लिएको छ। आइतबारको खेलमा जित दर्ता गर्दै रियल अंक तालिकाको शीर्षस्थानमा उक्लिएको हो ।

रियल सोसीडाडको मैदानमा मड्रिडले २–१ को जित दर्ता गरेको हो । खेलको ३२ औं मिनेटमा मात्र खेलमा गोल गर्ने अवसर जुरेको थियो । रियल म्याड्रिडका फरवार्ड करीम बेन्जेमाले पेनाल्टी क्षेत्रको ठिक भित्रबाट गरेको शक्तिशाली प्रहारलाई गोलरक्षक एलेक्स रेमिरोले विफल पारे । लगत्तै कासिमिरोले झन्डै ३५ यार्ड टाढाबाट गरेको प्रहारले रेमिरोलाई समस्या दिन सकेन ।

४३ औं मिनेटमा रियलले अर्को अवसर सदुपयोग गर्न सकेन । भिनिसियसको प्रहारलाई गोलरक्षक रेमिरोले विफल पारे । उक्त रिबाउन्डमा बेन्जेमाले गोल गर्ने प्रयास गर्दा रेफ्रीले अफसाइडको संकेत दिएका थिए । दोस्रो हाफको सुरुवातमा नै रियल म्याड्रिडले पेनाल्टीको अवसर प्राप्त गर्यो ।

डिएगो लोरेन्टेले पेनाल्टी क्षेत्रभित्र भिनिसियसलाई लडाएपछि रेफ्रीले पेनाल्टी दिएका थिए । उक्त पेनाल्टीलाई कप्तान सर्जियो रामोसले गोलमा परिणत गर्दै सुरुवाती अग्रता दिलाए । सोसीडाडले खेलको ६८ औं मिनेटमा गोल फर्काएपनि रेफ्रीले भिडियो असिस्टेन्ट रेफ्री (भीएआर) को सहायता लिँदै गोललाई मान्यता दिएनन ।

वैकल्पिक खेलाडीका रुपमा मैदान प्रवेश गरेका अदनान जानुजाजले २० यार्ड टाढाबाट गोल गरेका थिए । तर भीएआरले सोसीडाडका मिकेल मेरिनोले अफसाइड अवस्थामा खेलमा प्रभाव पारेको निष्कर्ष निकालेको हो । त्यसको दुई मिनेटपछि नै रियलले अग्रता दोब्बर पार्यो । करीम बेन्जेमाली पेनाल्टी क्षेत्र भित्र बल नियन्त्रणको उदाहरण प्रस्तुत गर्दै गोल गरेका थिए । उनले छातीले बल रोक्दै दोस्रो टचमा बल नियन्त्रण गर्दै पोस्टमा प्रहार गर्दा रेमिरोले बचाउने कुनै अवसर पाएनन् । ७३ औं मिनेटमा एलेक्जेन्डर इसाकको प्रहारलाई रियलका गोलरक्षक थिबाउट कोर्टुवाले उत्कृष्ट डाइभ दिँदै बचाए ।

८३ औं मिनेटमा घरेलु टोलीले गोल फर्काउँदै खेलमा फर्कने संकेत देखायो । मिकेल मेरिनोले उत्कृष्ट फिनिस गर्दै खेललाई रोमान्चक मोडमा पुर्याएका थिए । रोबर्टो लोपेजको क्रसमा मेरिनोले पेनाल्टी क्षेत्रको बायाँ भागबाट गरेको शक्तिशाली प्रहारलाई कोर्टुवाले बचाउने कुनै अवसर पाएनन् ।

सोसीडाडले खेलको अन्त्यतिर रियलमाथि दबाब कायम गरेपनि गोल फर्काउन नसक्दा हारको सामना गर्नुपर्यो । यस जितसँगै रियल म्याड्रिड अंक तालिकाको शीर्षस्थानमा पुगेको छ । म्याड्रिड टोली र साविक विजेता बार्सिलोनाको समान ३० खेलमा ६५ अंक भएपनि हेड टु हेडमा रियल अगाडी रहेको छ । सोसीडाड भने ३० खेलमा ४७ अंकसहित छैटौँ स्थानमा नै यथावत छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

एन्फामा सर्वोच्च ले जारी गर्याे कारण देखाउ आदेश

सन्दीप आबद्ध जमैका सिपिएलको सेमिफाइनलमा

नेसन्स लिगमा पोल्यान्डमाथि नेदरल्यान्डकाे जित

फुटबल हेर्न गएका रोनाल्डो मास्क लगाउनै बिर्सिएपछि... (भिडियो)

बिग ब्यासका लागि मेलबर्न स्टार्सले सन्दीपको नाम राखेन, के हुँदैछ प्रकृया ?

' कोरोनाको परवाह नगरि २०२१ मै टोकियो ओलम्पिक हुनुपर्छ’