शनिवार, मंसिर ६ २०८३Nov 21 2026

Logo
images images

आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

  • मिडिया डबली
  • शुक्रवार, मंसिर ५ २०८३

  • 684
    SHARES

  • आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

    काठमाडौं - प्रधानमन्त्री वालेन्द्र शाह (बालेन) आगामी आइतबार भारतको दुईदिने राजकीय भ्रमणमा जाने भएका छन्। भारतीय प्रधानमन्त्री नरेन्द्र मोदीको निमन्त्रणामा हुन लागेको भ्रमणमा द्विपक्षीय सम्बन्ध, आर्थिक सहकार्य र आपसी हितका विषयमा छलफल हुने छ।

    परराष्ट्र मन्त्रालयका अनुसार प्रधानमन्त्री शाह नेतृत्वको प्रतिनिधिमण्डल नेपाल वायुसेवा निगमको विमानबाट नयाँदिल्ली प्रस्थान गर्नेछ। टोलीमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल र प्रधानमन्त्रीका प्रमुख सल्लाहकार कुमार ब्यञ्जनकारसहित वरिष्ठ अधिकारी सहभागी हुनेछन्।

    भ्रमणका क्रममा प्रधानमन्त्री शाहले भारतीय राष्ट्रपति द्रौपदी मुर्मूसँग शिष्टाचार भेट गर्नेछन् भने प्रधानमन्त्री मोदीसँग प्रतिनिधिमण्डलस्तरीय वार्ता गर्ने कार्यक्रम छ। भारतीय विदेशमन्त्री एस. जयशङ्करले पनि प्रधानमन्त्री शाहसँग भेट गर्नेछन्। मोदीले उनको सम्मानमा दिवाभोज आयोजना गर्नेछन्।

    परराष्ट्र मन्त्रालयका अनुसार भ्रमणमा नेपाल–भारतबीचको बहुआयामिक सहकार्यको समीक्षा गर्दै पारस्परिक लाभका क्षेत्रमा सहयोग विस्तार गर्ने विषयमा छलफल हुनेछ।

    प्रधानमन्त्री शाह मङ्सिर ७ गते अपराह्न स्वदेश फर्कने कार्यक्रम छ। भ्रमणले दुई देशबीचको ऐतिहासिक सम्बन्धलाई थप सुदृढ बनाउँदै आर्थिक तथा विकास साझेदारी विस्तार गर्ने अपेक्षा गरिएको छ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    बुधवार, जेठ ४ २०७९०४:२३:३८
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    प्रधान सम्पादक

    कृष्ण प्रसाद पहाडी

    सम्पादक

    शोभाकान्त सापकोटा

    फोटो पत्रकार 

    सन्जिव न्यौपाने

    Copyright © All right reserved to Dabali Networks P. LTD. Site By: SobizTrend