काठमाडौं - राजनीतिमा नैतिकता भन्ने विषय निकै महत्वपूर्ण हुन्छ । नेपालकै इतिहासमा पनि धेरैले इमान्दारिता देखाएका छन् ।

सिंहदरबार जल्दा तत्कालीन प्रधानमन्त्री कीर्तिनिधि विष्टले पदबाट राजीनामा दिएका थिए । दशरथ रंगशालामा फुटबल प्रतियोगिता हुँदा भागदौड मच्चिएर केहीले ज्यान गुमाएपछि तत्कालीन शिक्षामन्त्री केशरबहादुर विष्टले राजीनामा दिएका थिए ।

बहुदल आएपछि कृषिमन्त्री बनेकी शैलजा आचार्यले सरकार नै भ्रष्टाचारमा लागेको भन्दै गिरिजाप्रसाद कोइरालाको क्याबिनेटबाट राजीनामा दिएकी थिइन् । केपी ओली प्रधानमन्त्री हुँदा कानुनमन्त्री शेरबहादुर तामाङले नेपाली छात्रामाथि आरोप लाग्ने गरी अभिव्यक्ति दिएका कारण मन्त्री पद गुमाएका थिए ।

आफूमाथि ७० करोड घुसको आरोप लागेपछि तत्कालीन सञ्चारमन्त्री गोकुल बासकोटाले पदबाट राजीनामा दिएका थिए । त्यसपछि उनले मन्त्री बन्ने चासो देखाएनन् । बरु आफूमाथि लगाइएको आरोप पुष्टि गर्न चुनौती नै दिए ।

नेपाली कांग्रेसका सभापति शेरबहादुर देउवा प्रधानमन्त्री भएका बेला रक्षामन्त्री मिनेन्द्र रिजालले नैतिकता देखाउँदै पदबाट राजीनामा दिएका थिए । उनले कांग्रेसको महाधिवेशनका बेला सभापति देउवालाई पूर्वसभापति बनाउने भन्ने अभिव्यक्ति दिएका थिए ।

देउवाकै क्याबिनेट मन्त्री रिजालले आफू महामन्त्रीमा पराजित भएलगत्तै मन्त्रीबाट राजीनामा दिएका थिए । तर आफूलाई वैकल्पिक राजनीति शक्ति भनेर चिच्याएकै भरमा चुनावमा २० सिट जितेर उपप्रधान तथा गृहमन्त्री बनेका राष्ट्रिय स्वतन्त्र पार्टीका सभापति रवि लामिछानेले अलिकति पनि नैतिकता प्रदर्शन गर्न सकेनन् ।

अमेरिकी नागरिकता लिएपछि पनि नेपाली नागरिकता प्रयोग गरिरहेपछि सर्वोच्च अदालतले उनको सांसद पद खारेज गरिदियो । तर, उनले ४८ घन्टाभित्रै नागरिकता प्राप्त गरे । अहिले उनीमाथि दोहोरो राहदानी प्रयोग गरेको कसुरमा अनुसन्धान भइरहेको छ ।

तर, नागरिकता प्राप्त गरेको केही घन्टामै रास्वपाको सभापति बनेर उनले प्रधानमन्त्री पुष्पकमल दाहाल प्रचण्डलाई आफूलाई गृहमन्त्री नियु्क्त गर्न दबाब दिइरहेका छन् । नागरीकता नक्कली ठहर भएर सम्पूर्ण पदबाट बर्खास्त भएको, अझै राहदानी विवाद बाँकी नै छ, उनैलाई अहिले तुरुन्त मन्त्री चाहिएको छ ।

रविलाई जसरी नागरिकतामा विवादमा सांसद पद जान्छ भन्ने थाहा थियो, त्यसैगरी गृह लिन नसके राहदानी कान्डमा जेल गइन्छ भन्ने थाहा हुनाले गृह मन्त्रालय खोजेका हुन्। यो सबैले बुझेकै कुरा हो ।

सर्वोच्च अदालतको फैसलाको पूर्ण पाठ नआउँदै र दोहोरो राहदानीको अनुसन्धान नसकिँदै तालुकवाला मन्त्रालयमै फर्कन हतार गर्नुले प्रधानमन्त्री प्रचण्ड निकै गम्भीर भएका छन् ।

गैरसांसद लामिछानेले एमाले अध्यक्ष केपी ओलीमार्फत दबाब दिएर मन्त्री नियुक्त हुन खोजिरहेका छन् । तर प्रचण्ड आफ्नो नेतृत्वको सरकार ढले पनि लामिछानेलाई मन्त्री बनाउन तयार देखिएका छैनन् ।

उनले आइतबार बालुवाटारमा आफूलाई भेट्न आएका लामिछानेलाई सबै दलसँग छलफल गरेर निर्णय लिने भन्दै फर्काइदिएका थिए । त्यसपछि लामिछाने सिधै बालकोट पुगेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गोकुल बासकोटालाई एकपछि अर्को धक्का, काभ्रेमा एमाले ‘क्लिन स्विप’ को बाटोमा

गोकुल बासकोटाले गरे विद्या भण्डारी राजनीतिक नेतृत्वमा आउने संकेत

गृहमन्त्री लामिछानेको सांसद पद रहने कि नरहने भन्ने टुंगो पुस २२ मा लाग्ने

एमालेका ‘फरार’ सांसद महतो सँगै भोट हालेर हिँडेपछि रवि लामिछानेको अर्को नौटंकी

माघ ११ गते रविलाई ठूलो खड्गो, अमेरिकी नागरिक नै रहेको फैसला आउने सम्भावना अधिक

रवि लामिछानेका नेतालाई संसद् सिकाइभन्दा सत्ता भोगाइको हतार