काठमाडौं - रौतहटको क्षेत्र नम्बर ४ अन्तर्गत पर्ने वृन्दावन नगरपालिकालाई नेपाली कांग्रेसले आफ्नो आधार क्षेत्रको रूपमा लिने गरेको थियो ।

अघिल्लो स्थानीय तह निर्वाचनमा नगरपालिका प्रमुख, उपप्रमुखसहित पाँच वडा र २२ वडा सदस्य जितेको कांग्रेसले यसपटकको स्थानीय तह निर्वाचनमा एउटा सदस्य पनि जित्न सकेन ।

अघिल्लो निर्वाचनमा २० जनामध्ये १५ जना कार्यपालिका सदस्य कांग्रेसका मात्रै थिए । तर यसपटकको निर्वाचनमा कांग्रेस शून्यमै सीमित भएको छ ।

नगरपालिकामा यसपटक कांग्रेसको लज्जास्पद हारले आमनेता कार्यकर्ता चिन्तित बनेका छन् । २०७४ को निर्वाचनमा वृन्दावन नगरपालिकामा कांग्रेसबाट निर्वाचित जनप्रतिनिधिले पाँच वर्षे कार्यकालमा केही काम नगरेको र कांग्रेसका कार्यकर्तालाई बेवास्ता गरी माओवादी केन्द्रसँग साँठगाँठ गरी नगरपालिकामा काम गरेको गुनासो स्थानीयको छ ।

प्रतिनिधि सभा सदस्य देवप्रसाद तिमल्सिनाले केन्द्रको बलमा जर्बजस्ती कांग्रेसका तत्कालीन मेयर रामस्नेही राय यादवलाई टिकट दिलाएकै कारण करारी हार बेहोरेको बुझिएको छ ।

नगरपालिकामा प्रेमशंकर यादवलाई टिकट दिइएको थियो । यदि उनले टिकट पाएको भए कांग्रेसले जित हासिल गर्ने सम्भावना धेरै रहेको बताइन्छ ।

वृन्दावन नगरपालिकामा पराजय व्यहोरेका वडाध्यक्षका अधिकांश उमेद्वावारहरू टिकट परिर्वतनलाई नै आफ्नो पराजयको प्रमुख कारण रहेको बताउँछन् ।

टिकट नपाएपछि तत्कालीन मेयर रामस्नेही राय यादवले एमालेलाई सघाएको बुझिएको छ । वृन्दावन वडा नम्बर २ मा माओवादीसँग मिलेमतो गरेर कांग्रेसका उमेद्ववार लाई एक भोटले हराएको आरोप पनि यादवमाथि लागेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रौतहटमा कांग्रेसले पछाडि छाड्यो कम्युनिस्टलाई, सात स्थानीय तह जितेर बन्यो ठूलो दल

रौतहटमा भयंकर ठूलो तनाव, ६ जना प्रहरी घाइते

मधानी महायज्ञ, रौतहटमा बलिउड नायक गोबिन्दा देखी रवि किशन आउँदै

रौतहटमा कर्फ्युको दायरा बढाईयो

रौतहटमा हावाहुरीले घरको छाना उडायो, दर्जनौं विद्युत पोल ढले

रौतहटमा खोलामा बेपत्ता भएका तीन बालबालिकामध्ये दुई जना मृत फेला