काठमाडौं - नेपाली कांग्रेसभित्र गुटमा रहेर धेरै अवसर लिने नेता गोपालमान श्रेष्ठले ‘वरिष्ठ नेता’को पद चाहियो भनेर बबाल मच्याएका  छन् ।

१४औँ माहाधिवेशनमा सभापति पदमा उम्मेदवार बन्छु भनेर शेरबहादुर देउवासँग बगावत गरेका श्रेष्ठले अन्तिममा केन्द्रीय सदस्य पदमा उम्मेदवारी दिएर चित्त बुझाएका थिए ।

गलत हर्कतका कारण उनी स्याङजामा प्रतिनिधि सभाको निर्वाचनमा नराम्रोसँग पराजित भए । जिल्ला अधिवेशनमा देउवा समूहलाई जिताउन सकेनन् । श्रेष्ठका कारण देउवा समूहबाट उम्मेदवार बनेका धेरै नेताहरू स्याङजामा हार्न पुगेका छन् ।

श्रेष्ठले जिल्ला सभापति नै गुमाए । त्यति मात्र कहाँ हो र ? श्रेष्ठको गलत निर्णयले गण्डकी प्रदेश सभाको सभापतिमा पनि देउवा समूह पराजित हुन पुग्यो ।

श्रेष्ठले पार्टीभित्र सक्षम र राम्रा नेताहरू हुँदाहुँदै उनीहरूलाई पाखा लगाएर आफ्नै भतिजा मेखलाल श्रेष्ठलाई गण्डकी प्रदेश सरकारमा मन्त्री बनाएका छन् ।

श्रेष्ठले देउवा समूहमा रहेका राजु थापालाई धेरै पेलानमा राखेपछि बाध्य भएर अर्को समूह लागेका छन् । सोमबार बिहान एउटा रेडियोसँगको अन्तर्वार्तामा नेता श्रेष्ठले भने, ‘सभापतिमा म आफै उठ्ने भनेको थिएँ । शेरबहादुरले गोपालमानजी एक पटक तपाईले सहयोग गर्न भनेपछि सहयोग गरेँ । मैले अत्याधिक बहुमतले पनि जिताएँ ।’

‘कार्यसमितिमा पनि करीव ८२ प्रतिशत भएको छ । म संगठन विभागको प्रमुख भएर संगठन बनाएकोले त्यसको प्रतिफल मिलेको छ’, उनले भनेका छन् । नेता श्रेष्ठले सभापतिमा देउवालाई आफूले जिताएको दाबी गरेका छन् ।

‘रामचन्द्रजीलाई वरिष्ठ नेता बनाइएको छ । उहाँले १४औँ महाधिवेशनमा भाग लिनुभएन । वरिष्ठ बनाउनुभयो । उहाँलाई बनाएपछि मलाई पनि बनाउनुपर्छ’, श्रेष्ठले भने, ‘हामी तीन जना एउटै समकक्षी हौँ । रामचन्द्र वरिष्ठ भएपछि गोपालमानले पनि वरिष्ठ पाउनुपर्छ भन्ने मेरो माग हो । नेता त्रयको कन्सेप्ट हो । म तेस्रो नेता हुनुपर्छ ।’

उनले भने, ‘म कार्यबाहक सभापति भइसकेको व्यक्ति हो । ०१७ सालदेखि सक्रिय भएर लागेको हो ।’ ‘मलाई तेस्रो लहरमा राख्न सबै तयार छन् । एक नम्बर मा शेरबहादुर देउवा, दोस्रो नम्बर रामचन्द्र र तेस्रो नम्बरमा म हुनुपर्छ भन्ने माग हो ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पूर्वराष्ट्रपति यादवलाई गोपालमानको काउन्टर, कांग्रेस रामराम भन्ने अवस्थामा पुगेको छैन

समानुपातिकमा कांग्रेसका वृद्ध नेताहरूको हालीमुहाली, नयाँलाई अझै छैन चान्स

कांग्रेसका चार बुढा नेता राष्ट्रिय सभामा उम्मेदवार बन्ने, समानुपातिकबाट नाम निकाले